[A:98]de'i sras rtsa lde'i ring la/ me pho 'brug gi chos 'khor zhes bya ba dbus gtsang khams gsum gyi sde snod 'dzin pa chen po phal che ba yang 'dus/ chos kyi 'khor lo legs par so sor bskor/ zangs dkar lo tsA bas tshad ma rgyan yang de'i dus su bsgyur ba mdzad de/ spyir na mnga' ris stod kyi rgyal po de rnams kyis bstan pa'i zhabs tog bgyis pa de lta bu ni yul gzhan gang na yang ma mchis/ chos 'khor de la rwa lo tsA ba dang / gnyan lo tsA dang / khyung po chos brtson dang / btsan kha bo che dang / rngog blo ldan shes rab dang / mar thung dad pa shes rab ste lo tsA ba rnams kyi 'grul tshan la dwags po dbang rgyal yang yod de chos 'khor de la snyegs/ btsan kha po ches sadznyA na la byams chos legs par bslabs te byon pas shin tu phan che/ rwa dang gnyan gyis chos 'khor thon nas bal po dang rgya gar du byon nas/ slar bod du byon te phrin las legs par bskyangs/ dwags po dbang rgyal dang khyung po grags se gnyis kyis po ta ri dang dmar po ri la 'gran bshad mdzad/ grwa pa rnams phan tshun gnyis ka'i chos grwar 'gro ba zhig byung zhes grags pa'i khyung po des tshad ma rnying pa mkhyen/ slob ma'ang mang du byung ba'i yi ge 'dug na'ang / tshad ma rnying ma de khams nas byung ba zhig gam/ mnga' ris nas rma lo tsA bas rang 'grel dang lha dbang blos bsgyur ba la brten pa gang yin pa ni ma 'tshal lo/ /khyung po de po ta ba dang yang dus mtshungs par snang ngo / /de la spyir srong btsan