[A:༧༡ན]ལ། བརྒྱུད་པའི་རྩ་བ་ལུང་རྒྱུན་ནས་བཟུང་བ་ལྟར་ན། ཚུལ་དང་པོ་གསུམ་སློབ་དཔོན་རིན་པོ་ཆེས་མཛད་པའི་རྒྱུད་སྡེ་སྤྱི་རྣམ་དང་། དཀོན་མཆོག་ལྷུན་གྲུབ་ཀྱི་ཚུལ་གསུམ་མཛེས་རྒྱན། ཚུལ་བཞི་པ་རྗེ་བཙུན་རིན་པོ་ཆེའི་མངོན་རྟོགས་ལྗོན་ཤིང་ཆེན་མོ། དཀོན་ལྷུན་གྱི་གོང་མའི་དགོངས་རྒྱན་དང་། ལྗོན་ཆུང་། དངོས་གཞི་རྒྱུད་ཉིད་དག་ལྡན་གྱི་སྟེང་ནས་འབྲུ་གཉེར་བ་བཅས་ཀྱི་ལུང་གི་བརྒྱུད་པ་ནི། སོ་སོའི་བཀའ་འབུམ་ལྟར་རོ། །
བཤད་པའི་བརྒྱུད་པ་ལ་འགྲེལ་པ་ལུགས་གཙོ་བོར་བཏོན་པ་དང་། མན་ངག་ལུགས་ཀྱི་བཤད་པ་གཉིས་ལས། དང་པོ་ནི། རྡོ་རྗེ་འཆང་། བདག་མེད་མ། བིརྺ་པ། ཌོམྦི་ཧེ་རུ་ཀ ཨ་ལ་ལ་བཛྲ། དཔལ་ལྡན་ནགས་ཁྲོད་པ། གརྦྷ་རི་པ། བསོད་སྙོམས་པ་ཛ་ཡ་ཤྲཱི། སློབ་དཔོན་སྦྱང་དཀའ་ཟླ་བ། དགེ་སློང་དཔའ་བོ་རྡོ་རྗེ། ལོ་ཙཱ་བ་ཆེན་པོ་ཤཱཀྱ་ཡེ་ཤེས། འཁོན་དཀོན་མཆོག་རྒྱལ་པོ། རྗེ་ས་ཆེན་ནམ། ཡང་ན། ལོ་ཆེན་ནས། བླ་མ་མངའ་རིས་པ་གསལ་བའི་སྙིང་པོ། འཁོན་སྒྱི་ཆུ་བ་དགྲ་ལྷ་འབར། རྗེ་ས་ཆེན། ཡང་ན།