R914: དཔལ་ས་སྐྱ་པ་ཆེན་པོ་སྔགས་འཆང་ངག་དབང་ཀུན་དགའ་ཐེག་ཆེན་དཔལ་འབར་འཕྲིན་ལས་བསམ་འཕེལ་དབང་གི་རྒྱལ་པོའི་ཐོབ་ཡིག་རིན་ཆེན་ནོར་བུའི་ཕྲེང་བ། པོད་གཉིས་པ།

  • Pagination (Witness A): ༡༤༡བ
[A:༡༤༡བ]ཆེན། རྗེ་འཇམ་དབྱངས་མཁྱེན་བརྩེའི་དབང་པོ་མན་གོང་ལྟར། ཡང་ན། དཀོན་མཆོག་བསྟན་པ་རབ་རྒྱས་ལས་ཏེ་སླར་བརྟག ། ལུང་ལ། ཕྱག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་སློབ་དཔོན་འགྲོ་བཟང་སྙིང་པོས་མཛད་པ་ཟངས་དཀར་ལོ་ཙཱའི་འགྱུར། གཏོར་མ། རྫས་སྔགས་སྨན་གྱི་འཁྲུལ་འཁོར། བསྐྲད་པ། བསྣུན་པ། སྦྱིན་སྲེག་བཅས་རྗེ་མཁྱེན་བརྩེའི་མཆན་ཅན་མཛད་པ་པོ་དང་སྒྱུར་བྱེད་གོང་དང་འདྲ། ཁྲུས་ཆོག་མཛད་བྱང་མེད་པ། སྒྲུབ་ཐབས་རྗེས་གནང་གི་ཆོ་ག་མཁས་པའི་ཞལ་ལུང་ཞུ་ཆེན་གྱིས་མཛད་པ་བཅས། གཞན་བཙལ། ཞུ་ཆེན་ཡིག་ཆ་བཀའ་འབུམ་ལྟར། ༈ པཎ་ཆེན་བློ་བཟང་ཆོས་རྒྱན་གྱི་ཡི་དམ་སྒྲུབ་སྐོར་ཨེ་ཝྃ་གྱི་ཡིག་སྟེང་ནས་ཕྱག་རྡོར་འཁོར་ཆེན་གྱི་རྗེས་གནང་ཟུར་བཀའི་བརྒྱུད་པ་ནི། པཎ་ཆེན་བློ་བཟང་ཡེ་ཤེས་ཀྱིས་ཡོངས་འཛིན་བློ་བཟང་ལས་གསན་པ་དེ་ཉིད་ཀྱི་གསན་ཡིག་ན་གསལ་ཞིང་། ཞི་བ་ལྷའི་གསན་ཡིག་ལྟར་ན། རྒྱལ་བ་རྡོ་རྗེ་འཆང་། ཕྱག་ན་རྡོ་རྗེ། མཁའ་འགྲོ་སེང་གེའི་གདོང་ཅན། གྲུབ་ཐོབ་ཤ་བ་རི་པ། གྲུབ་ཐོབ་ཛ་པ་རི་པ། དེ་བ་པུཎྜ་མ་ཏི། མགར་ལོ་ཙཱ་བ་ཆོས་ཀྱི་བཟང་པོ། གཤིན་སྟོན་རིན་ཆེན་དངོས་གྲུབ།