[A:༡༥༥བ]རྩའི་བརྒྱུད་པ་ལྟར། རིན་འབྱུང་ལས་བྱུང་བའི་སྒྲུབ་ཐབས་གོང་དང་འདྲ།
༈ སློབ་དཔོན་དགའ་རབ་རྡོ་རྗེ་ནས་བརྒྱུད་པའི་བདེ་མཆོག་ལྷན་སྐྱེས་ཀྱི་བྱིན་རླབས་ཆོས་རྗེ་ས་པཎ་ཁུ་དབོན་གྱི་གསུང་རབ་དང་སྒྲུབ་ཐབས་རིན་འབྱུང་ལྟར་ཐོབ་པའི་བརྒྱུད་པ་ནི། གོང་ཀྱེ་རྡོར་ལྷན་སྐྱེས་དང་འདྲ། ལུང་ལ། སྒྲུབ་ཐབས་འཕགས་པ་རིན་པོ་ཆེས་མཛད་པ། བྱིན་རླབས་ཆོས་རྗེ་ས་པཎ་གྱིས་མཛད་པ་བཀའ་འབུམ་ལྟར། ༈ བདེ་མཆོག་གི་རྒྱུན་བཤགས་རྒྱས་པ་སློབ་དཔོན་བྷུ་རི་པས་མཛད་པ་ལོ་ཆེན་འགྱུར་བཙལ།
༈ པཎ་གྲུབ་དབང་པོ་ནཱ་རོ་པ་ནས་བརྒྱུད་དེ་རྗེ་བཙུན་ས་སྐྱ་པ་ལ་བཀའ་བབས་པའི་གསེར་ཆོས་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་ཀྱི་བྱིན་རླབས་འཇམ་པའི་དབྱངས་དཀོན་མཆོག་ལྷུན་གྲུབ་ཀྱི་སྒྲུབ་ཐབས་དང་། ཐར་པཎ་བྱིན་རླབས་ཆོ་གའི་ཡིག་སྟེང་ནས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་ནོལ་འབྱོར་མ། གྲུབ་ཆེན་ནཱ་རོ་ཏ་པ། བལ་པོ་ཕམ་མཐིང་པ། ཀློག་སྐྱ་ཤེས་རབ་བརྩེགས། མལ་གྱོ་ལོ་ཙཱ་བ་བློ་གྲོས་གྲགས། བླ་མ་ས་སྐྱ་པ་ཆེན་པོ། བསོད་ནམས་རྩེ་མོ། རྗེ་