[A:༡༦༤བ]པ་རྒྱས་པ་དང་། ཕན་ཡོན་སྲུང་ཟློག་ཚེ་སྒྲུབ་དང་། །སྲུང་འཁོར་སྲིད་གསོ་ལོ་རྒྱུས་དང་། །བུམ་ཆོག་རྟགས་ཚད་བསྟན་པའོ། །ཞེས་ལས་ཁ་ཚར་བརྒྱད་བཅས་གོང་དང་འདྲ་ལ། མངོན་རྟོགས་ཚེ་སྒྲུབ་དང་བཅས་པ་ཏཱ་ར་ནཱ་ཐའི་གསུང་། སྒྲུབ་ཐབས་བདུད་རྩིའི་ཐིགས་པ་འགྱུར་མེད་རྡོ་རྗེས་མཛད་པ་གཉིས་སོ་སོའི་གསུང་འབུམ་ལྟར། ཡིད་བཞིན་འཁོར་ལོའི་རྒྱུན་ཁྱེར་བསྟན་པའི་ཉིན་བྱེད་ཀྱིས་མཛད་པ་གོང་དབྱངས་ཅན་མ་དང་བརྒྱུད་པ་འདྲ། འཕགས་མ་ཡིད་བཞིན་འཁོར་ལོའི་བརྒྱུད་པའི་གསོལ་འདེབས་འཆི་མེད་གྲུབ་སྟེར། རྗེས་སུ་གནང་བ་དང་བསྙེན་སྒྲུབ་ལས་གསུམ་གསལ་བར་བྱེད་པའི་ཡི་གེ་ཟླ་བ་འདོད་འཇོ། རིལ་སྒྲུབ་ཀྱི་ལག་ལེན། འཇིགས་པ་བརྒྱད་སྐྱོབ་ཀྱི་སྒོམ་བཟླས་རྡོ་རྗེའི་ཡ་ལད། སྒྲོལ་དཀར་སྨོན་ལམ་བསམ་འགྲུབ་ལྷའི་ལྗོན་ཤིང་རྣམས་དང་། དགེ་བ་ཅན་མ་ཡིད་བཞིན་འཁོར་ལོའི་ཚེ་ཁྲིད་དཔལ་ལྡན་མར་མེ་མཛད་ཀྱི་ལུགས་གཙང་ལ་མ་འདྲེས་པ་བདུད་རྩིའི་ཟ་མ་ཏོག་བཅས་འཇམ་པའི་དབྱངས་ཡོན་ཏན་རྒྱ་མཚོས་མཛད་པ་རྣམས་མཛད་པ་པོ་ནས་མཁྱེན་བརྩེས་གསན་པ་མན་འདྲའོ། །
༈ གཉན་ལོ་ཙཱ་བ་དར་མ་གྲགས་ནས་རྗེ་བཙུན་ས་