[A:༡༨༢བ]བརྒྱུད་པ། དེའི་མན་ངག་སྟག་ལུང་པའི་སྒྲུབ་ཐབས་སྣ་ཚོགས་ལས་བྱུང་བ། ཁྲོ་ཕུའི་མན་ངག་བརྒྱ་རྩ་ལས་བྱུང་བ་རྣམས་ཡིག་རྙིང་སྟེ་འདི་ཁྲོ་ཕུ་བརྒྱ་རྩའི་བརྒྱུད་པ་ལྟར་དང་། གཞན་བཙལ།
༈ གུར་གྱི་ལས་རྒྱས་པའི་ལྷ་གསུམ་གྱི་ཕྱི་མ་སོར་འབྲང་དཀར་མོའི་རྗེས་གནང་དཀོན་མཆོག་ལྷུན་གྲུབ་དང་། ཐར་པཎ་ཐོ་ཡིག་སྟེང་ནས་ཐོབ་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། རྣལ་འབྱོར་དབང་ཕྱུག་བིརྺ་པ། ཌོམྦྷི་པ། ངོ་མཚར་རྡོ་རྗེ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི། མི་ཐུབ་ཟླ་བ། དཔའ་བོ་རྡོ་རྗེ། བླ་ཆེན་འབྲོག་མི། སེ་སྟོན། དཀོན་མཆོག་རྒྱལ་པོ། རྗེ་བཙུན་གོང་མ་རྣམ་ལྔ། ནམ་མཁའ་དཔལ་ལྡན། དཔལ་ལྡན་སེང་གེ །བསོད་ནམས་རྒྱལ་མཚན། དཔལ་ལྡན་ཚུལ་ཁྲིམས། ཡེ་ཤེས་རྒྱལ་མཚན། ངོར་ཆེན་རྡོ་རྗེ་འཆང་། རྒྱལ་ཚབ་ཀུན་དགའ་དབང་ཕྱུག །དཀོན་མཆོག་འཕེལ། དཀོན་མཆོག་ལྷུན་གྲུབ། ནམ་མཁའ་དཔལ་བཟང་། བསོད་ནམས་ལྷུན་གྲུབ། བསྟན་འཛིན་བཟང་པོ། མཁྱེན་རབ་བྱམས་པ། རྨོར་ཆེན། གནས་གསར་བ་