[A:༢༡༡བ]གནང་ལས་ཚོགས་དང་བཅས་པ་ལ། དམ་ཚིག་སྒྲོལ་མའི་གསང་སྒྲུབ་སློབ་དཔོན་ངག་གི་དབང་ཕྱུག་གིས་མཛད་པ། འགྲོ་བ་དབང་དུ་སྡུད་པའི་འཁོར་ལོའི་ཆོ་ག་དེ་ཉིད་ཀྱིས་མཛད་པ། སྔགས་ཀྱི་དག་ཡིག །གཏོར་མ། ལུང་ལེན་ཐབས། སྦྱིན་སྲེག་གི་མན་ངག །འགྲོ་བ་དབང་དུ་སྡུད་པའི་མན་ངག་བསོད་ནམས་རྒྱལ་མཚན་གྱིས་མཛད་པ། སྒྲུབ་ཐབས་རྗེས་གནང་དང་བཅས་པའི་ཆོ་ག་ཁམས་གསུམ་འགུགས་པའི་ལྕགས་ཀྱུ་དཔལ་ལྡན་དོན་གྲུབ་ཀྱིས་མཛད་པ། རྗེས་གནང་ཐོ་བཅས། བསྟོད་པ་དང་། བསྙེན་སྒྲུབ་ལས་ཀྱི་མན་ངག་བུང་བ་མྱོས་པའི་འགྲམ་ཆང་། བརྒྱུད་འདེབས་སྲིད་ཞིའི་དགེ་ལེགས་ཆར་འབེབས་བཅས་ངག་དབང་ལེགས་གྲུབ་ཀྱིས་མཛད་པ་རྣམས་ཀྱང་གོང་དང་འདྲའམ་སྙམ་ལ། དམར་པོ་སྐོར་གསུམ་སོགས་འདི་སྐོར་ཞིབ་པར་དེའི་བེ་བུམ་གྱི་ལུང་བརྒྱུད་ལས་བཙལ།
༈ སློབ་དཔོན་འགྲོ་བཟང་སྙིང་པོའི་ལུགས་ཀྱི་ཕྱག་རྡོར་དང་རྣམ་སྲས་སེར་ཆེན་སྦྲགས་ཏེ་སྒྲུབ་པའི་རྗེས་གནང་དཀོན་མཆོག་ལྷུན་གྲུབ་ཀྱི་ཡིག་སྟེང་ནས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། སྤྱོད་མཛད་ཆོས་ཀྱི་རྡོ་རྗེ།