[A:༢༢༡བ]གསོལ་དམིགས་པ་བཅས། དཔལ་ལྡན་ས་སྐྱ་པའི་ཟབ་དོན་དབྱུ་གུ་མ་སྤུན་གསུམ་གྱི་མན་ངག་ཟབ་ལ་མྱུར་བ། བྲིས་སྐུའི་རབ་གནས། ཡིག་ཆུང་། མཁའ་འགྲོའི་ལག་སྒུལ། དབང་སྡུད་བཅའ་གཞི། བྱི་བ་ལ་བརྟེན་ནས་སྒྲུབ་པ། ཡང་མཁའ་འགྲོ་ལག་འགུལ། རྟེན་བཅའ་བ། གཏོར་མ་ལ་བརྟེན་ནས་སྒྲུབ་པ་རྣམས་ཡིག་རྙིང་། སྒྲུབ་ཐབས་ངག་འདོན་གསལ་བར་བཀོད་པ་སིདྡྷི་ཕ་ལའི་བང་མཛོད་མཁྱེན་རབ་བྱམས་པས་མཛད་པ། རྒྱུན་བཟླས་རྨོར་ཆེན་གསུང་། སྒྲུབ་ཐབས་བསམ་དོན་ཀུན་འགྲུབ་དང་། ཙཀྲ་ལ་བརྟེན་ནས་དབང་སྡུད་ཟབ་མོའི་ལག་ལེན་གསལ་བར་བཀོད་པ་བསམ་འཕེལ་ནོར་བུ་ས་ལོ་ཀུན་དགའ་བསོད་ནམས་ཀྱིས་མཛད་པ་བཅས་གསེར་པོད་ལྟར།
༈ སློབ་དཔོན་བྲམ་ཟེ་མཆོག་སྲེད་ཀྱིས་བཀྲལ་ཞིང་ལོ་ཆེན་རིན་ཆེན་བཟང་པོས་ནས་བརྒྱུད་རྗེ་བཙུན་ས་སྐྱ་པ་ལ་བཀའ་བབས་པའི་དཔལ་རྡོ་རྗེ་ནག་པོ་ཆེན་པོ་གུར་མགོན་ལྕམ་དྲལ་ལྷ་གསུམ་གྱི་རྗེས་གནང་མུས་ཆེན་སངས་རྒྱས་རིན་ཆེན་གྱི་ཡིག་སྟེང་ནས་ལེགས་པར་ཐོབ་པའི་བརྒྱུད་པ་ནི། རྫོགས་པའི་སངས་རྒྱས། རྡོ་རྗེ་གུར། བྲམ་ཟེ་མཆོག་སྲེད།