[A:༢༦༧ན]རྣམ་རྒྱལ་ཕུན་ཚོགས། ཆོས་ཀྱི་གྲགས་པ། དཀོན་མཆོག་ཕྲིན་ལས་རྣམ་རྒྱལ། དཀོན་མཆོག་ཕྲིན་ལས་བཟང་པོ། དོན་གྲུབ་ཆོས་རྒྱལ། བསྟན་འཛིན་འགྲོ་འདུལ། ཆོས་ཀྱི་རྒྱལ་མཚན། ཆོས་ཀྱི་ཉི་མ། བསྟན་འཛིན་པདྨའི་རྒྱལ་མཚན། ངག་དབང་བསྟན་པའི་ཉི་མ། རྗེ་མཁྱེན་བརྩེའི་དབང་པོ་ནས་འདྲའོ། །
དེ་ལྟ་བུའི་སྒྲུབ་ཐབས་རྣམས་ཀྱི་ཁུངས་རྒྱུད་ཀྱི་དུམ་བུ་རྣམས་ནི་བཀའ་འགྱུར་ལྟར་ཏེ། སྨིན་གྲོལ་གླིང་པའི་རྡོར་འཛིན་འགྱུར་མེད་ཕུན་ཚོགས་ལས་འཇམ་དབྱངས་མཁྱེན་བརྩེ་རིན་པོ་ཆེས་གསན་ཅིང་། དམིགས་བསལ་བདེ་གསང་དུས་གསུམ་ཀྱེ་རྡོར་སོགས་འགའ་ཞིག་དཀོན་མཆོག་བསྟན་པ་རབ་རྒྱས་ལས་རྗེ་མཁྱེན་བརྩེས་གསན། ཕུར་པ་རྩ་དུམ་ལྟ་བུ་རྙིང་རྒྱུད་ལས་བྱུང་བ་ནི་གོང་གསལ་ལྟར་དང་། འཇམ་མགོན་ཡོན་ཏན་རྒྱ་མཚོ་ལས་ཀྱང་གསན། རྒྱ་གཞུང་གི་སྐོར། ཐུབ་བསྟོད་སེམས་བརྩེ་མ། འཇམ་དབྱངས་གང་བློ་མ། བྷཱུ་རི་པའི་རྒྱུན་བཤགས། ཟླ་གྲགས་སྨྲེ་བཤགས་སོགས་བསྟན་འགྱུར་སྐོར་ཐོར་བུ་དང་། ཞྭ་ལུའི་ཆོས་སྤྱོད་ལས་འབྱུང་བ་རྣམས་