R914: དཔལ་ས་སྐྱ་པ་ཆེན་པོ་སྔགས་འཆང་ངག་དབང་ཀུན་དགའ་ཐེག་ཆེན་དཔལ་འབར་འཕྲིན་ལས་བསམ་འཕེལ་དབང་གི་རྒྱལ་པོའི་ཐོབ་ཡིག་རིན་ཆེན་ནོར་བུའི་ཕྲེང་བ། པོད་གཉིས་པ།

« Title Page

Pagination (Witness A): ༣༡བ

Last Page »

[A:༣༡བ]བཅས་མཛེས་རྒྱན་དང་། མཚམས་སྦྱོར་རྒྱས་པ་ལུང་རིགས་མན་ངག་གི་གཏེར་མཛོད། མཚམས་སྦྱོར་བསྡུས་པ་སྙིང་པོ་བསྡུས་པ་རྣམས་ཀྱི་སྟེང་དུ་ཚར་ལུགས་ཀྱི་ཕྱག་ལེན་བསབས། མུས་ཆེན་གྱིས་མཛད་པའི་མངོན་རྟོགས། ལུས་དཀྱིལ། དབང་ཆུ།

དེ་རྣམས་ཀྱི་ལྷན་ཐབས་ཚར་ཆེན་གྱིས་མཛད་པ་བཅས་ཚར་ལུགས་ལྟར་ཡོད་ཀྱང་། དཀོན་ལྷུན་གྱི་ཡིག་ཆ་དང་ཁྱད་པར་མེད་གསུངས།

དམ་ཚིག་དང་སྡོམ་པའི་ཐོབ་མཚམས་སྔགས་འཆང་བསོད་ནམས་ཆོས་འཕེལ་གྱིས་མཛད་པའི་འཇིགས་བྱེད་ལྷ་བཅུ་གསུམ་མའི་དབང་བཤད་ལས་ཀྱང་ཁ་བསྐང་སྟེ། ནུབ་དང་པོར་སྟ་གོན་དང་། དངོས་གཞིའི་དབང་ཡོངས་སུ་རྫོགས་པ་དང་། དེ་དང་ལྷན་ཅིག་རྒྱལ་ཚབ་དམ་པ་ཀུན་དགའ་དབང་ཕྱུག་གི་ཡིག་སྟེང་ནས་ཨཥྚཱའི་བཟླས་ལུང་དང་བཅས་པ་སློབ་བཤད་པའི་ཁྱད་ཆོས་རྣམས་གཞན་དང་མ་འདྲེས་པར་མཐའ་ཆོད་ཅིང་། སྦྱང་གཞི་སྦྱོང་བྱེད་ངོ་འཕྲོད་པའི་རྒྱུ་དུས་ཀྱི་དབང་བསྐུར་བ་སྨིན་རྒྱས་ལེགས་པར་ཐོབ་བོ།། །། ༈ དེ་ནས་སྨིན་ཟིན་གྲོལ་བར་བྱ་བའི་སླད་དུ་འཇམ་དབྱངས་མཁྱེན་བརྩེའི་ཡིག་ཆ་ལ་མང་ཐོས་ཀླུ་སྒྲུབ་ཀྱི་གསུང་གིས་བརྒྱན་ཏེ། དབང་གི་ཡེ་ཤེས་ལ་གང་ཟག་གི་བདག་ཏུ་ལོག་པར་རྟོག་པ་དགག་