[A:77a]sa skyong bla chen gyis tshar lugs gsung rgyun ltar bris pa'i dkyil chog skabs kyi zur rgyan/ dbang gong ma gsum gyi skabs kyi zur rgyan/ shar chos rje mkhas grub kun dga' dpal ldan gyis mdzad pa'i gsung ngag rin po che lam 'bras bu dang bcas pa'i zab khrid 'chad tho smin grol dngos grub rab 'phel zhes bya ba bcas mtshan nas brjod pa dang / gzhan yang zab gsang bla na med pa 'di'i chos skor dang cha lag tu gyur pa skyes mchog gong ma mkhas grub gnyis ldan mkhyen brtse nus gsum gyis bdag nyid can rnams kyis mdzad pa'i bstan bcos ngo mtshar rmad du byung ba sna tshogs pa zhig dbyar dus padma'i tshal chen rgyas pa bzhin re re nas mtshan bgrang ba las 'das pa lung rgyun bzhugs min ci rigs par mchis pas dpyod ldan don du gnyer ba dag gis 'bad rtsol chen pos btsal te gsan bsam dpyis phyin par cis kyang mdzad 'tshal gsungs so/ /
/ /rtsa ba'i sa bcad gnyis pa tshogs bshad kyi brgyud rim zhar byung du dgod pa la'ang gnyis/ tshogs