[A:80b]le/ 'chad thabs zur rgyan zhu chen bka' 'bum nga par yod pa ltar nyin lnga ring la yongs rdzogs thob/ nA ro mkha' spyod ma'i sgrub dkyil gnas gsar ba ngag dbang kun dga' legs pa'i 'byung gnas kyis mdzad pa dang / de'i byin rlabs kyi yi ge bde chen sprin sgra blo gsal bstan skyong gis mdzad pa gnyis kyi steng nas mkha' spyod ma'i byin rlabs tshar lugs thun mong ma yin pa bka' drin du bstsal/ de 'brel 'jam dbyangs mkhyen brtse'i dbang phyug gis mdzad pa'i khrid yig mkha' spyod bgrod pa'i nye lam la zhal shes yig chung rnams sbyar te/ 'jam mgon mkhyen brtse'i dbang pos mdzad pa'i 'chad thabs mkha' spyod lam bzang mdzes par byed pa'i rgyun ltar zhag bdun ring la sngon dngos rjes gsum tshang bar thugs brtse ba chen pos smin rgyas su bstsal/
padma 'od gsal mdo sngags gling pa'am/ 'jam dbyangs mkhyen brtse'i dbang po'i dgongs gter 'chi med 'phags ma'i snying thig gi smin byed bsdus pa'am/ thog ma'i sgo 'byed du gyur pa thun mong tshe yi rjes gnang bya tshul gsal bar bkod pa ye shes sgo 'byed ces bya ba 'jam mgon blo gros mtha' yas kyi yig steng nas bstsal/