[A:267b]dang / mdo sde 'don pa'i gdams ngag sogs jo bo'i chos chung brgya rtsa las byung ba rnams dang / gnas bcu'i cho ga sogs snar thang brgya rtsa las byung ba rnams dkon mchog bstan pa rab rgyas/ khyung po'i mgur brgyad dang bka' rgya ma bzhi sogs shangs chos las byung ba rnams 'jam mgon yon tan rgya mtsho las rje mkhyen brtse zhabs kyis gsan par snang la/ sgrub thabs kyi khungs gtso bo ba ri brgya rtsa'i brgyud pa ni/ de'i chos skor gyi brgyud 'debs las gsal ba ltar dang / de'i rjes gnang lung bcas kun dga' blo gros nas/ nam mkha' 'chi med/ dpal ldan phrin las zhabs las kyang gsan/ de nyid yang na/ dpal ldan chos skyong / rin chen mchog grub/ bzhi sde bla ma rin chen chos 'phel/ ye na bsod nams rgyal mtshan/ bla ma bstan 'dzin chos gsal/ bla ma dpal ldan phrin las/ de las rje mkhyen brtse'i zhabs kyis gsan pa man chad 'dra'o/ /
snar thang brgya rtsa'i rjes gnang lung bcas kyang sgrub thabs brgya rtsa dang 'dra/ sgrub thabs rgya mtsho'i rjes