[A:32b]dbang bzhi dang rjes su 'brel ba'i lam las/ thog mar phyi bskyed pa'i rim pa'i khrid la/ bsgom bya'i don la thos bsam gyis sgro 'dogs gcod par byed pa tshar chen gyi mdzad pa'i rnam bshad nyi zer zin thun du bshad pa dang/ khrid dngos slob dpon mtsho skyes zhabs kyi bzhed pa zab pa'i tshul dgu'i sems 'dzin gyis kha bskangs te nyams khrid shin tu zhib pa dang / de rjes phyi rol tu zhen pa'i gdon gyi gnyen por rdo rje slob dpon gyi zab mo lus kyi dkyil 'khor chen por bdag chen blo gros rgyal mtshan gyi yig steng nas lus dkyil gyi dbang legs par thob cing / de dang 'brel bar rgyal tshab dam pa'i yig steng nas yig brgya'i bzlas lung thob bo/ /
! de nas tshar chen gyis mdzad pa'i nang bskyed pa'i rim pa'i rnam bshad zin thun du bshad pa dang / lus dkyil gyis sems 'dzin/ lta ba la sogs pa bum dbang gi dmigs khrid yongs su rdzogs pa dang / bdag med lha mo bco lnga sindhu ra'i dkyil 'khor du ngag chos dang / 'jam mgon mkhyen brtse'i dbang po'i yig steng nas byin rlabs legs par thob bo/ /
! de nas gnyis pa gsang dbang dang rjes su 'brel