[A:424a]gnyis su grags pa'i dud pa'i sol ba can ma 'di rje mo re ma tI yin zhing / gur mgon gyi skabs mgon po lcam dral gnyis su grags na'ang / sa skya pa'i lugs la rjes gnang zur pa med cing / sgrub thabs la tshogs bdag /bka' sdod/ phyi pa/ nang pa ltar sgrub tshul sogs yod kyang man ngag yongs su rdzogs pa med par brten/ rdo rje 'chang tshar pa chos rjes yum ka'i skor gyi rjes gnang man ngag tshang ma zhig thugs la bzhed nas/ tshul de sa lugs dwags brgyud pa sogs gang du'ang ma rnyed par rim gyis rtsad gcod gnang bas chu mgo gangs dkar kyi dpe bzhin/ rje mar pas/ dud sol lha mo ma gtogs pa'i/ /bstan srung brgya dang rtsa brgyad zhus/ /zhes gsungs pa ltar shin tu gces spras su mdzad pa'i lha mo'i skor 'di spyir dpal nA ro pa la bstan srung brgya rtsa brgyad yod pa'i khrod nas gtor ma dngos su len pa'i chos skyong gsum yod pa'i nang nas gdam ga 'di la mdzad pas rten 'brel gyi sgo 'grigs/ lo gsum bal po'i mthil du bsdad/ /rje byin rlabs can gyi bal po la/ /rgyud gnyan par grags pa'i gdan bzhi