[A:164]rgya yul du byon/ se chen rgyal po'i dus su ti shri mdzad/ dgung lo bzhi bcu zhe bdun la ri bo rtse lngar gshegs/ sras gnyis pa bla ma dam pa kun dga' seng ge
sa pho spre'u lo pa
bla ma'i gsung bzhin gong du byon/ gong ma dang a nan tari bla mchod mdzad/ dbus gtsang du byon nas shar gyi gdan sa lo nyi shu rtsa dgu mdzad / dgung lo drug cu rtsa brgyad la gshegs so/ /sras gsum pa bla ma 'jam dbyangs chen po rin chen rgyal mtshan pa se chen rgyal po'i lung bzhinsa pho rta lo pa dang me mo phag la bzhi thog tu bskos/ nyi ma re la chos dung lnga lnga bus zer
sa skya bzhi thog gi bla mchod lo bco brgyad mdzad/ bla ma 'phags pa khu dbon gyi phyi rten la gser thog bkal/ phyis gong du ol ja du rgyal pos gdan drang sa nas ti shri mdzad/ dgung lo bzhi bcu zhe dgu la gong du gshegs so/ /lung dang rtogs pa'i yon tan phun sum tshogs pa mnga' bas/ dpal ldan sa skya'i bstan pa dang /mnga' thang yang bla ma 'di'i dus su rgyas pa lags so/ /bla ma shar pa dang ma gcig mkha' 'gro 'bum gyi sras che ba bla ma seng ge dpal ba dgung lo sum cu la rgya yul du gshegs so/ /sras gnyis pa bla ma dam pa kun dga' bsod nams pas shar gyi gdan sa lo sum cu so bzhi mdzad/ gcung po slob dpon chen po kun dga' rin chen pa dang ma gcig nam mkha' rgyal mo'i sras che ba slob dpon chen po rin chen rgyal mtshan pa da lta shar pa'i gdan sa mdzad pa'o/ /gnyis pa slob