[A:163]yos kyi lo mar bcad la mi lo sum brgya dang gsum song bar rig par bya'o/ /chos rje pas gdan sa lo sum cu rtsa lnga zhes sogs bshad pa ni gdung rgyud kyi rnam thar gyi skabs su gdung rgyud rkyang pa bgrangs pa'i rnam bzhag yin la/ 'dir dpal ldan sa skya'i gdan sa mdzad tshul gyi skabs su/ dkar shAkya grags la sogs pa btsud pa yin pas 'gal bar mi bsam mo/ /chos rje khu dbon gyi slob ma shar nub gung gsum du grags pa la/ bla brang pa'i gdung rabs ni/ gdung rus zhang zhung gsang sngags rnying ma ba jo 'bum zhes pa'i sras sku mched gsum las/ gcen po bla ma shar pa sher 'byung
sa pho rta lo la
chos rje pa la rab tu byung / dpon chen shAkya bzang po la nyos nas bla brang shar bzung / dgung lo drug cu rtsa bzhi la gshegs/ gnyis pa slob dpon chen po 'od zer 'phan rten dge bsnyen yin/ khong sku mched kyi lcam mo'i sras bla ma ye pa chen po chos rje pa dang bla ma shar pa sher 'byung gi slob ma yin no/ /gong du se chen dang mam gha la'i bla mchod mdzad/ bla ma chen po rdo rje 'od zer gshegs rting shar gyi gdan sa lo bcu dgu mdzad/ dgung lo drug cu rtsa drug la gshegs/shar pa chen po rab tu ma byung gong gi sras phyug mo rje btsun skyabs la 'khrungs pa'i sras gsum ka 'gro mgon 'phags pa'i slob ma yin/gcen po dus 'khor ba bla ma ye shes rin chen bla ma 'phags pa shing kun na bzhugs pa gdan 'dren pa la sa skya pa spyis brdzangs/ phyis