[A:22]du bod chos rgyal lha rtse'i lha btsun mched gsum mchod yon gyis btsun pa gzhon nu shes rab dang / blo nus yod pa 'brog ling stag gsum la bstan pa'i rtsa ba so thar/ snying po phar phyin/ nying khu gsang sngags slob shog ces rgya gar du btang ba'i nang tshan 'brog mi bal po zhi ba bzang po dang / shar sgo srung ba'i paNDi ta shinta pa gtso bor gyur pa'i mkhas pa sgo drug sogs mang po bsten nas shes bya rig pa'i gnas gzhung lugs mtha' dag la sgro 'dogs chod par mdzad cing / lho phyogs di wi ko Tir kha sarba Nis dngos su lung bstan dbugs dbyung thob/ Dom bhi he ru ka'i yang slob grub chen dpa' bo rdo rje las dbang dang lam 'bras kyi man ngag rgyud gsum gyis gtsos rgyud che chung nyis brgya bzhi bcu smin grol bshad pa dang bcas gsan/ snga phyi bsdoms rgya gar du lo bcu gnyis bar bzhugs pas zab rgyas kyi chos tshul mtha' yas pas thugs rgyud phyug par mdzad/ grub chen a ba dhu tis rje ga