[A:༢༢]དུ་བོད་ཆོས་རྒྱལ་ལྷ་རྩེའི་ལྷ་བཙུན་མཆེད་གསུམ་མཆོད་ཡོན་གྱིས་བཙུན་པ་གཞོན་ནུ་ཤེས་རབ་དང་། བློ་ནུས་ཡོད་པ་འབྲོག་ལིང་སྟག་གསུམ་ལ་བསྟན་པའི་རྩ་བ་སོ་ཐར། སྙིང་པོ་ཕར་ཕྱིན། ཉིང་ཁུ་གསང་སྔགས་སློབ་ཤོག་ཅེས་རྒྱ་གར་དུ་བཏང་བའི་ནང་ཚན་འབྲོག་མི་བལ་པོ་ཞི་བ་བཟང་པོ་དང་། ཤར་སྒོ་སྲུང་བའི་པཎྜི་ཏ་ཤིནྟ་པ་གཙོ་བོར་གྱུར་པའི་མཁས་པ་སྒོ་དྲུག་སོགས་མང་པོ་བསྟེན་ནས་ཤེས་བྱ་རིག་པའི་གནས་གཞུང་ལུགས་མཐའ་དག་ལ་སྒྲོ་འདོགས་ཆོད་པར་མཛད་ཅིང་། ལྷོ་ཕྱོགས་དི་ཝི་ཀོ་ཊིར་ཁ་སརྦ་ཎིས་དངོས་སུ་ལུང་བསྟན་དབུགས་དབྱུང་ཐོབ། ཌོམ་བྷི་ཧེ་རུ་ཀའི་ཡང་སློབ་གྲུབ་ཆེན་དཔའ་བོ་རྡོ་རྗེ་ལས་དབང་དང་ལམ་འབྲས་ཀྱི་མན་ངག་རྒྱུད་གསུམ་གྱིས་གཙོས་རྒྱུད་ཆེ་ཆུང་ཉིས་བརྒྱ་བཞི་བཅུ་སྨིན་གྲོལ་བཤད་པ་དང་བཅས་གསན། སྔ་ཕྱི་བསྡོམས་རྒྱ་གར་དུ་ལོ་བཅུ་གཉིས་བར་བཞུགས་པས་ཟབ་རྒྱས་ཀྱི་ཆོས་ཚུལ་མཐའ་ཡས་པས་ཐུགས་རྒྱུད་ཕྱུག་པར་མཛད། གྲུབ་ཆེན་ཨ་བ་དྷུ་ཏིས་རྗེ་ག་