[A:33]cing thos bsam ting nge 'dzin shes rab phun sum tshogs pa'i mdzod 'dzin pas bstan pa yongs rdzogs kyi mnga' bdag tu gyur/ sdom brtson dam pa kha che paNDi ta shAkya shri bha dra las/ bstan pa'i rtsa ba bsnyen rdzogs kyi sdom pa bzhes pa nas brtsams te sku tshe'i mtha' bar bcas rang gi gnas phra mo tsam la yang 'gal 'du med pa 'phags pa nye bar 'khor lta bu rgyal ba dgyes pa'i tshul khrims mngon par 'phags pas 'jig rten dang 'jig rten las 'das pa kun gyis bsngags shing mchod 'os dam par gyur/ mkhas btsun bzang gsum byang chub kyi sems dang rtogs pa'i yon tan 'bar bas gzhan phan 'phrin las kyi sgo dbye/ sa steng thams cad du snyan pa'i grangs pas khyab/ phyi nang rig pa'i gnas mtha' dag la shin tu sbyangs pa mthar son te 'chad rtsod rtsom gsum gyi sgo nas bstan pa'i bya ba rgya chen po mdzad pas snyan grags kyis 'phags pa'i yul nas rig pa smra ba'i dbang phyug 'phrog byed dga' bos gtsos ston pa