[A:༣༣]ཅིང་ཐོས་བསམ་ཏིང་ངེ་འཛིན་ཤེས་རབ་ཕུན་སུམ་ཚོགས་པའི་མཛོད་འཛིན་པས་བསྟན་པ་ཡོངས་རྫོགས་ཀྱི་མངའ་བདག་ཏུ་གྱུར། སྡོམ་བརྩོན་དམ་པ་ཁ་ཆེ་པཎྜི་ཏ་ཤཱཀྱ་ཤྲི་བྷ་དྲ་ལས། བསྟན་པའི་རྩ་བ་བསྙེན་རྫོགས་ཀྱི་སྡོམ་པ་བཞེས་པ་ནས་བརྩམས་ཏེ་སྐུ་ཚེའི་མཐའ་བར་བཅས་རང་གི་གནས་ཕྲ་མོ་ཙམ་ལ་ཡང་འགལ་འདུ་མེད་པ་འཕགས་པ་ཉེ་བར་འཁོར་ལྟ་བུ་རྒྱལ་བ་དགྱེས་པའི་ཚུལ་ཁྲིམས་མངོན་པར་འཕགས་པས་འཇིག་རྟེན་དང་འཇིག་རྟེན་ལས་འདས་པ་ཀུན་གྱིས་བསྔགས་ཤིང་མཆོད་འོས་དམ་པར་གྱུར། མཁས་བཙུན་བཟང་གསུམ་བྱང་ཆུབ་ཀྱི་སེམས་དང་རྟོགས་པའི་ཡོན་ཏན་འབར་བས་གཞན་ཕན་འཕྲིན་ལས་ཀྱི་སྒོ་དབྱེ། ས་སྟེང་ཐམས་ཅད་དུ་སྙན་པའི་གྲངས་པས་ཁྱབ། ཕྱི་ནང་རིག་པའི་གནས་མཐའ་དག་ལ་ཤིན་ཏུ་སྦྱངས་པ་མཐར་སོན་ཏེ་འཆད་རྩོད་རྩོམ་གསུམ་གྱི་སྒོ་ནས་བསྟན་པའི་བྱ་བ་རྒྱ་ཆེན་པོ་མཛད་པས་སྙན་གྲགས་ཀྱིས་འཕགས་པའི་ཡུལ་ནས་རིག་པ་སྨྲ་བའི་དབང་ཕྱུག་འཕྲོག་བྱེད་དགའ་བོས་གཙོས་སྟོན་པ་