[A:37]rje nyid spyan drangs pa na ting nge 'dzin gyis brtan bzhugs kyi me tog 'thor bar mdzad pas sgyu ma'i 'phrul 'khor gshigs par ma nus pas rgyal po 'khor bcas shin tu dad pa'i gnas la bkod/ lha khang de la byang phyogs sprul pa'i sde'i lha khang zhes grags shing deng sang yang mjal rgyu yod pa yin/ gangs ljongs kyi skye bo kun gyis 'byor par rtse gcig tu gsol bar zhal skyin du zhal gdams thub pa'i dgongs gsal 'phrin yig tu stsal ba sogs sangs rgyas kyi bstan pa phyogs dus su rgyas par mdzad de mthar byang phyogs sprul pa'i sde yi gnas der dgung lo bdun cu pa lcags mo phag la rig pa 'dzin pa'i sar gshegs shing rdzogs smin sbyang ba'i sa lam phal cher bgrod de mngon dga'i zhing khams su de bzhin gshegs pa dri ma med pa dpal zhes bya bar 'tshang rgya bar 'gyur ro zhes lhag pa'i lha dang bla mas dngos su lung bstan par grags shing dus phyis chos rgyal 'phags par mkhas pa zhig gi dri lan du kho bo'i bla ma chos kyi rje