[A:97]སྡེའི་ཉི་ཁྲི་སྣང་བ་དང༌། བཙུན་པ་གྲོལ་སྡེའི་ཉི་ཁྲི་རྣམ་འགྲེལ། སེང་བཟང་གི་བརྒྱད་སྟོང་འགྲེལ་པ་དང༌། རིན་ཆེན་སྒྲོན་མ་དང༌། སངས་རྒྱས་ཡེ་ཤེས་ཀྱི་སྡུད་འགྲེལ་དང༌། བི་མ་ལ་མི་ཏྲའི་ཤེར་སྙིང་རྒྱ་ཆེར་འགྲེལ་དང༌། ཤཱནྟི་པའི་དག་ལྡན་ལ་སོགས་པའོ།། །།
༈ ཐ་མ་དོན་དམ་ངེས་པའི་ལྟ་བ། ཀྱེ་རྒྱལ་བའི་སྲས་དག་ཁམས་གསུམ་པར་སྣང་བ་འདི་དག་སེམས་ཙམ་མོ་ཞེས་པའི་དོན་འགྲེལ་པ། སློབ་དཔོན་ཐོགས་མེད་ཀྱི་མངོན་པ་ཀུན་ལས་བཏུས་དང༌། བྱམས་པ་མགོན་པོའི་མདོ་སྡེ་རྒྱན་དང༌། དབུས་མཐའ་དང༌། དབྱིག་གཉེན་གྱི་ཉི་ཤུ་པ་དང༌། སུམ་ཅུ་པ་དང༌། ཕུང་པོ་ལྔའི་རབ་ཏུ་བྱེད་པ་དང༌། རྟེན་འབྲེལ་ཆེན་མོ་དང༌། དབུས་མཐའི་ཊི་ཀ རྣམ་བཤད་རིག་པ་དང༌། ཕྱོགས་གླང་གི་དམིགས་པ་བརྟག་པ་ལ་སོགས་པའོ། །བར་པ་དང་ཐ་མ་གཉིས་ཀྱི་སྤྱོད་པ་གཞན་དོན་སྙིང་རྗེ་ཆེན་པོ་ཀུན་རྫོབ་བྱང་ཆུབ་ཀྱི་སེམས་གསལ་བར་བྱེད་པ་སློབ་དཔོན་ཐོགས་མེད་ཀྱི་ས་སྡེ་ལྔ་དང༌། ཞི་བ་ལྷའི་བསླབ་བཏུས་དང༌། སྤྱོད་འཇུག་དང༌། མདོ་ཀུན་ལས་བཏུས་པ་དང༌། ཀླུ་སྒྲུབ་ཀྱི་རིན་ཆེན་ཕྲེང་བ་དང༌། བཤེས་སྤྲིང་དང༌། སེམས་འགྲེལ་དང༌། མདོ་ཀུན་ལས་བཏུས་པ་ལ་སོགས་པ་དང༌། ཙནྡྲ་གོ་མིའི་སྡོམ་པ་ཉི་ཤུ་པ་དང༌། སློབ་མ་ལ་སྤྲིང་ཡིག་དང་༑ རྟ་དབྱངས་ཀྱི་མི་དགེ་བ་བཅུ་བསྟན་པ་དང༌། ཇོ་བོ་རྗེའི་བྱང་ཆུབ་ལམ་སྒྲོན་དང༌། སྤྱོད་པ་བསྡུས་པའི་སྒྲོན་མ་དང༌། ལམ་རིམ་ལ་སོགས་པའོ།། །།
༈གཉིས་པ་བྱེད་ལས་ཀྱིས་དབྱེ་ན་གསུམ་སྟེ། རྩ་ཤེར་མངོན་རྟོགས་
༼རྒྱན་༽
ལྟ་བུ་བཀའ་ཟབ་མོ་འབྱེད་པའི་བསྟན་བཅོས་དང༌། སྤྱོད་འཇུག་ལྟ་བུ་རྒྱ་ཆེན་པོ་སྡུད་པའི་བསྟན་བཅོས་དང༌། མདོར་བྱས་སམ་མཚོ་སྐྱེས་ལྟ་བུས་འཁྲུགས་པ་གོ་