[A:26]la sogs pas 'dzin pa ltar/ bye brag ngan 'gro dang / spyir 'khor ba tsam dang / theg pa dman par ltung ba las 'dzin pa gsum las/ dang po ni mi dge ba bcu spong zhing / dge ba bcu nyams su len pa ste/ rin phreng las/ 'jig rten 'di dang pha rol tu/ /chos spyod pa ni bde bar nyal/ /zhes so/ /gnyis pa ni chos thams cad bdag med par sgom pa ste/ des 'khor ba'i rgyu bdag 'dzin zlog pa'i phyir ro/ /rnam 'grel las/ bdag lta'i sa bon spangs pa'i phyir/ /slar mi gshegs pa nyid yin no/ /zhes so/ /gsum pa ni thabs shes rab zung 'brel du sgom pa ste/sdud pa las/ thabs dang shes rab shes rab pha rol phyin la sbyor// zhes pa dang / bslab btus las/ stong nyid snying rje'i snying po can/ /zhes so/ / gnyis pa sgra 'jug pa'i yul ni bcu ste/ rnam bshad rig pa las/ chos ni shes bya lam dang ni/ ! /mya ngan 'das dang yid kyi yul/ ! /bsod nams !tshe dang !gsung rab dang / ! /'byung 'gyur !nges dang !chos lugs la'o/ /zhes so|| !gsum pa ni sgra bshad pa'i nang nas theg pa dman par ltung ba las 'dzin pa dang / yul bcu'i nang nas lam dang mya ngan las 'das pa dang bsod nams dang gsung rab kyi chos te/ de dag las bsod nams su gyur pa tsam ni phyi rol pa la'ang yod pas ston pa'i bstan pa thun mong ma yin pa ni lhag ma gsum yin no/ /de yang mdzod las/ ston pa'i dam chos rnam gnyis te/ /lung dang rtogs pa'i bdag nyid do/ /de 'dzin byed dang smra byed pa/ /sgrub par byed pa kho na yin/ /zhes pas rtogs pa dang / lung gi chos so/ /dang po lam dang 'gog pas bsdus pa 'phags pa rnams kyi rgyud la mnga' ste/ rgyud bla ma las/ gang