[A:95]
! gnyis pa mtshan nyid ni rtsom pa po tshad dang ldan pas byas pa bka' de la brten nas bka'i dgongs 'grel du byas shing / byed pa thar pa thob pa dang rjes su mthun pa ste/ rgyud bla ma las/ gang zhig rgyal ba'i bstan pa 'ba' zhig gi |dbang byas rnam g.yeng med yid can gyis bshad/ /thar pa thob pa'i lam dang rjes mthun pa/ /de yang drang srong bka' bzhin spyi bos blang / /zhes so/ / de yang 'phags pa/ yi dam lha'i zhal gzigs pa'am/ lnga rig pa bla ma dam pa'i gdams ngag yod pa'i rtsom pa po tshad dang ldan pa'i zhes pas de la gzhan pa'i ngag rnams bka' la brten zhes pas/ bka' nyid dang / thar pa thob ces pas mu stegs kyi gzhung rnams bsal to// //
! gsum pa dbye ba la gsum ste/ bshad bya bka'i dbang gis dang / byed pa las kyi dbang gis dang / rang gi ngo bo'i dbang gis dbye ba'o/ /dang po la gnyis las bka' tsam gyi dgongs 'grel gyi chos ni sgra dang tshad ma ste gsung rab gyi gzhung dang don gyi cha gsal bar byed pa brda sprod pa bzhi dang / slob dpon tsandra go mi'i sgra tsandra pa dang / slob dpon zla ba grags pa'i sgra kun tu bzang po la sogs pa dang / slob dpon phyogs kyi glang po'i tshad ma kun las btus pa dang / chos kyi grags pas mdzad pa'i
rnam nges/
rnam 'grel/ rigs thigs/ 'brel ba brtag pa/ rgyud gzhan grub pa/ rtsod pa'i rigs pa/ gtan tshigs thigs pa ste tshad ma
sde bdun la sogs pa'o// //
! gnyis pa bka' bye brag gi rnam 'grel la 'khor lo gsum las/ dang po bden pa bzhi'i 'khor lo'i lta ba gang zag gi bdag med 'grel pa'i