[A:236]བཟང་རྒྱ་མཚོའི་སྐུ་ཞབས་སུ་ཐོབ། ཀྱེ་རྡོར་སྐུ་རྡོ་རྗེ། བདག་མེད་མ། ཕག་མོ་ལྷ་ལྔ་མ། གུར་མགོན། ཕྱག་བཞི་པ། གཤིན་རྗེ་དགྲ་ནག །གདོང་དྲུག །འབྱུང་
དབང་ལྡན་གླང་གདོང་མནན་པ་
འདུལ། མི་གཡོ་སྔོན་པོ། གསང་འདུས་འཇམ་རྡོར་ཡུམ་བཅས། རྡོ་རྗེ་འཆང་མགོན་པོ་བསོད་ནམས་མཆོག་ལྡན་ལ་ཐོབ། སོ་སོར་ཟུར་བཀའ་
འབྲང་མ་ཐུན་མོང་མ་ཡིན་པ་ཡང་ངོ༌། །ཡང་ཕྱག་རྡོར་འགྲོ་བཟང་ལུགས།
༼ཇ༽
༈ ཟུར་བཀའི་རྗེས་གནང་ཐོབ་པའི་སྐོར་ལ། དཔལ་དུས་འཁོར་ནས་གསུངས་པ། སྣ་ཚོགས་ཡུམ་གྱི་རྗེས་གནང་གཙོ་བོར་འབྲུམ་སྲུངས་ལ་སྔགས་པ། བུ་སྟོན་རིན་པོ་ཆེའི་མངོན་རྟོགས་གཉིས་དང་སྒོ་རུམ་པ་ཀུན་ལེགས་ཀྱིས་མཛད་པའི་རྗེས་གནང་དང༌། མཁན་ཆེན་པུ་ཎྱཱ་ཉིད་ཀྱིས་མཛད་པའི་བསྐུར་ཆོག་ཚིགས་བཅད་མ་ནས་ལུང་བཅས་ཐོབ་པའི་བརྒྱུད་པ་ནི། དང་པོའི་སངས་རྒྱས། རིགས་གསུམ་མགོན་པོ། དུས་ཞབས་པ་ཆེ་ཆུང༌། རྒྱལ་སྲས་ནཱ་ལེནྡྲ་པ། པཎ་ཆེན་ཟླ་མགོན། འབྲོ་ལོ་ཤེས་རབ་གྲགས། སྒོམ་པ་དཀོན་མཆོག་སྲུངས། སྒྲོ་སྟོན་གནམ་ལ་བརྩེགས། ཡུ་མོ་དད་པ་རྒྱལ་པོ༑ སྲས་དྷརྨེ་ཤྭ་ར། རྗེ་ནམ་མཁའ་འོད། སྤྲུལ་སྐུ་ཇོ་འབུམ། སེ་མོ་ཆེ་པ། ནམ་མཁའ་རྒྱལ་མཚན། འཇམ་གསར་ཤེར་འོད། ཀུན་མཁྱེན་ཆོས་སྐུ་འོད་ཟེར། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་ཡེ། མཁས་བཙུན་ཡོན་ཏན་རྒྱ་མཚོ། དོལ་པོ་ཀུན་མཁྱེན་ཤེས་རབ་རྒྱལ་མཚན། ས་བཟང་མ་ཏི་པཎ་ཆེན། ས་བཟང་འཕགས་པ་གཞོན་ནུ་བློ་གྲོས། རྡོ་རྗེ་འཆང་ཀུན་དགའ་བཟང་པོ། རྗེ་བསོད་ནམས་སངས་རྒྱས། རྗེ་