[A:292]སྙིང་པོ་བསྡུས་པ་དང་རྗེས་གནང་གི་ཡི་གེ་ཀུན་མཁྱེན་མཁྱེན་བརྩེས་མཛད་པའི་སྟེང་ནས་རྗེ་བཙུན་བཅོམ་ལྡན་འདས་མ་སྒྲོལ་མ་དཀར་མོ་སྤྱན་བདུན་ཡིད་བཞིན་འཁོར་ལོ་ཚེ་སྦྱིན་མའི་འོད་ཟེར་དྲུག་སྦྲགས་ཀྱི་རྗེས་སུ་གནང་བ་ཐུན་མོང་མ་ཡིན་པ་ལེགས་པར་ཐོབ་པའི་བརྒྱུད་པ་ནི། རྗེ་བཙུན་སྒྲོལ་མ་དཀར་མོ། པཎ་གྲུབ་ངག་གི་དབང་ཕྱུག་གྲགས་པ། བླ་མ་རྡོ་རྗེ་གདན་པ། རྗེ་བཙུན་བ་རི་ལོ་ཙཱ་བ། གྲུབ་ཆེན་སླེ་ནག་པ། དགེ་བའི་བཤེས་གཉེན་སྒྲེ་པ། མཉམ་མེད་སྒམ་པོ་པ། དྭགས་སྒོམ་ཚུལ་ཁྲིམས་སྙིང་པོ། སྒོམ་ཆུང་ཤེས་རབ་བྱང་ཆུབ། དྭགས་པོ་འདུལ་འཛིན་པ། རྗེ་འབྲི་ཁུང་གླིང་པ། རྗེ་དམ་ཆོས་གླིང་པ། བླ་མ་ཆོས་ཀྱི་ཚུལ་ཁྲིམས། མཉམ་མེད་ལྷ་ལུང་པ། ཐོག་གནས་པ་ཆེན་པོ། བླ་མ་ཆོས་ཀྱི་དབང་ཕྱུག །འདྲེན་མཆོག་བྱང་ཆུབ་བཟང་པོ། ཀུན་མཁྱེན་བཀྲ་ཤིས་རྣམ་རྒྱལ། ལོ་པ་སྤྱན་སྔ་བསོད་ནམས་ལྷ་དབང༌། སྤང་གཤོངས་ཧ་རི་ཁ་པ་དཔལ་ལྡན་རྒྱལ་མཚན། དྭགས་པོ་པཎ་ཆེན་ཕྱོགས་ལས་རྣམ་པར་རྒྱལ་བའི་ལྷ། རྡོ་རྗེ་འཆང་ཚར་ཆེན་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ། དེས་བདག་ལའོ། ། ཡང་ན་མཁྱེན་བརྩེའི་ཞབས་ལ། མཁན་ཆེན་བསླབ་གསུམ་པ། དགོན་གསར་བ་བསོད་ནམས་ཆོས་འཕེལ། འཇམ་དབྱངས་བྱང་གླིང་རྗེ་གསུམ་གྱིས་གསན། ཡབ་སྲས་བཞི་ཀ་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་གསན་ནོ། །ཡང་ན་ཚར་ཆེན་ནས། བོད་མཁར་བ་མཻ་ཏྲི་དོན་གྲུབ་རྒྱལ་མཚན། སྤྱན་སྔ་མི་ཕམ་ཆོས་ཀྱི་རྒྱ་མཚོ། མཁན་ཆེན་ཐར་པ་རྒྱལ་མཚན། ཁྱབ་བདག་ཞ་ལུ་པ། དེས་བདག་ལའོ། །ཡང་ཡིག་ཆ་དེ་ཁའི་སྟེང་ནས་ཐུན་མོང་བའི་རྗེས་གནང་ཐོབ་པའང་བཤད་མ་ཐག་པ་བཞིན་ནོ། །ཚེ་ཁྲིད་ཟླ་བའི་ཆུ་