[A:111] ༈ ཡང༌། ཐེག་ཆེན་པས། བིར་བསྲུངས། ཀུན་མཁྱེན་གངས་པ་དང༌། མན་ངག་བཤད་མཛོད། ཆོས་རྗེ་བླ་མ་ཉིད་ལའང་གསན་ནོ། །འཇམ་དབྱངས་བྱང་ཆུབ་དབང་རྒྱལ་གྱིས། ལམ་ཟབ་བླ་མ་དང༌། བིར་བསྲུངས་གཉིས་ཀྱི་བྱིན་བརླབས། རྗེ་ཐམས་ཅད་མཁྱེན་པ་ཆེན་པོ་ཉིད་ལའང་གསན་ནོ། ༈ །ཡང༌།
ལམ་འབྲས་ཉེ་བརྒྱུད་ནི། རྣལ་འབྱོར་དབང་ཕྱུག་བིརྺ་པ། བླ་མ་ས་སྐྱ་པ་ཆེན་པོ་ནས་གོང་བཞིན་ནོ། །གཞན་ཡང་རྗེ་བཙུན་སྐུ་མཆེད། ཆོས་རྗེ་ཁུ་དབོན་སོགས་ནས། ཐམས་ཅད་མཁྱེན་པ་རྡོ་རྗེ་གདན་པ་ཆེན་པོ་ཉིད་དང་བཅས་པ་ལ་དཔལ་རྣལ་འབྱོར་གྱི་དབང་ཕྱུག་ཆེན་པོ་ཉིད་ཀྱིས་ཞལ་གཟིགས་ནས། ལམ་འབྲས་སོགས་དཀའ་གནད་རྗེས་སུ་གནང་བ་སོགས་ངོ་མཚར་ཡིད་ཆེས་ཁྱད་པར་དུ་འཕགས་པ་དང་ལྡན་པའོ། །ཡང༌། ལམ་དབང་ཞེས་པ་ཡབ་ཀྱི་ལུས་དཀྱིལ་གྱི་དབང་རྡོ་རྗེ་འཆང་ཚུལ་ཁྲིམས་བཀྲ་ཤིས་ཀྱིས་བླ་མ་ལྷ་དབང་ཕྲིན་ལས་ལ་གསན་པའི་བརྒྱུད་པ་ཕྱིའི་རྒྱུ་དབང་བཞིན་ནོ། །འཇམ་དབྱངས་དབང་ཕྱུག་རྒྱལ་མཚན་ལ་གསན་པའི་བརྒྱུད་པ་ཡང་ཕྱིའི་རྒྱུ་དབང་བཞིན་ནོ། །འཇམ་དབྱངས་བྱང་དབང་ལ་ཁྲིད་དང་ལམ་དབང་བླ་བིར་ཐུན་མོང་གསན་ས་སློབ་དཔོན་དཔལ་བདེ་བ་ཅན་པ་མཁྱེན་རབ་རྣམ་རྒྱལ་དང༌། དཔལ་ཤཱཀ་ཀུན་ལ་གསན་པ། དམ་ཆོས་གླིང་པ་ཡེ་ཤེས་དབང་པོ་དང༌། བླ་མ་ལྷ་དབང་ཕྲིན་ལས་དང༌། བྱམས་པ་ཡོན་ཏན་ལྷུན་གྲུབ་སྟེ་བཞི་ཀ་ལ་སློབ་དཔོན་རྡོ་རྗེ་བློ་གྲོས། ཉི་གླིང་རྗེ།
མཁན་ཆེན་བསོད་ནམས་རྒྱལ་པོ་ལ་གསན་པའི་བརྒྱུད་པ་ནི་མཁན་ཆེན་གྱིས། བླ་མ་ཨུ་རྒྱན་རྒྱལ་པོ། སློབ་དཔོན་མཁྱེན་རབ་རྣམ་རྒྱལ། བླ་ཆེན་ཡེ་ཤེས་དབང་པོ། བླ་མ་ལྷ་དབང་ཕྲིན་ལས་རྣམས་ཏེ་བཞི་ཀ་ལ་གསན་ནོ། །ཉི་གླིང་རྗེས་ལམ་དབང་རྒྱས་འབྲིང་བསྡུས་པ་གསུམ་ག་གསན་པའི་བརྒྱུད་པ་ནི། དཔལ་ལྡན་བླ་མ་དམ་པ་ཡན་ཕྱི་དཀྱིལ་བཞིན་ལ། སྔགས་འཆང་གཟུངས་ཀྱི་དཔལ་བ། ཆོས་རྗེ་བཟང་པོ་