[A:319]rje rnal 'byor ma/ /rgyal ba'i bstan 'dzin grub dbang tshem bu pa/ /gsol ba 'debs so bdag rgyud byin gyis rlobs/ /tshig rkang bzhi pa 'di'i tshab tu/ zung ldan rgyan 'grig pa'i slad du/ rgyal dbang tshe 'dir thob par byin gyis rlobs sogs bcos/ mkhas grub spyi bo lhas pa byang chub 'od/ /mkhas mchog byang chub tshul khrims brag dmar ba// mkhas btsun bsod nams snying po dgon bsar ba/ /mkhas pa'i yang rtse thob par byin gyis rlobs/ /snying po'i don gzigs kun spangs kun tu bzang / /snying rje'i bdag nyid byang sems rgyal ye'i zhabs/ /snying nas 'gro ba'i don mdzad gzhon seng ba/ /snying po'i bstan pa 'dzin par byin gyis rlobs/ /theg mchog lam ston bsod nams rgyal mtshan dpal/ /theg chen chos rgyal kun dga' bkra shis zhabs/ /theg chen chos rje'i thugs sras kun dga' legs/ /theg mchog lam gyis 'gro kun grol byed shog /rdo rje 'chang dbang blo gros rgyal mtshan dpal/ /rdo rje bla ma rje btsun kun spangs zhabs/ / rdo rje 'dzin pa'i ded dpon kun dga'i mtshan/ /rdo rje bzhi yi go 'phang thob par shog / kun bzang bla ma'i thugs sras tshar pa rje/ /kun mkhyen bla ma mkhyen brtse'i dbang phyug zhabs/ /kun dga'i lam ston byams pa skal bzang rje/ /kun nas 'gro ba'i 'dren par 'gyur bar shog /gsang sngags mdzod 'dzin dbang phyug rab brtan dpal/ / gsang chen slob bshad 'dzin pa mgon po'i mtshan/ /gsang sngags gsar rnying 'dzin gtso rgyal dbang zhabs/ /gsang bdag bzhin du gsang mdzod 'dzin par shog / gsang lam zab ston ngag dbang bstan 'dzin gyis/ /gsang sngags thos pa'i rgya mtsho phrin las par/ /skyabs 'gro sems bskyed zung 'brel sngon 'gro'i lam/ /bskyed rdzogs zung 'brel zab mo dngos gzhi'i lam/ /bsngo ba smon lam zung 'brel rjes kyi