[A:333]mchog zhal snga nas kyis bla ma so so la gsan tshul slar bri/ re zhig la khyab bdag kun dga' grol mchog /spos khang mkhan chen shes rab rin chen nam bsam gtan rin chen/ lo pa spyan snga kun dga' don grub/ dpal sa skya pa a mes kun dga' bsod nams/ de nyid kyi rigs chos gnyis ka'i sras mchog 'jam pa'i rdo rje/ mtshan gzhan bsod nams dbang phyug zhabs/ mkhan chen byams pa dge ba'i dbang pos dgyes bzhin du phrin las par gnang ba'o/ /
(ta)
! bka' 'gyur lung gi skor ni/
chu 'brug lo sa ga'i tshes bco lnga rang lo nyer brgyad lon tshe/
de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa shAkya thub pa thugs rje'i bdag nyid can gyis legs par gsungs pa'i dam pa'i chos ni thog mtha' bar gsum du dge ba ste/ de'i nyan thos dag gi sa thog mar dge ba ni 'di lta ste/ lus kyi legs par spyod pa dang / ngag gi legs par spyod pa dang / yid kyi legs par spyod pa'o/ / bar du dge ba ni lhag pa'i tshul khrims dang / sems dang shes rab la bslab pa'o/ /tha mar dge ba ni/ rnam par thar pa'i sgo stong pa nyid dang / mtshan ma med pa dang / smon pa med pa'o/ /gzhan yang dang por dge ba ni/ dad pa dang / brtson 'grus dang / bag yod pa'o/ /bar du dge ba ni/ dran pa dang / ting nge 'dzin dang / sems rtse gcig