[A:339]lung rnams kyang mthar chags su nges par mdzad pa'i nges shes kyi lo rgyus thos pas rgyal tshab grags don par sdom brtson tshogs gnyis dpal grub kyis zhus nges dang / de dang dhI tsha sprul sku gnyis kyis sher phyogs dang mdo mang skor mkhas grub blo mchog rdo rje la tshig gcig tsam yang ma lus par gnang ba nas lung rgyun mtshan nyid pa yod par nges pa rnyed pas yid drangs te 'dir snang gi rnam g.yeng ban bun rnams kyi rjes su ma 'brangs par 'bad pa chen pos zhus pa la/ ! bka' dang po bden bzhi'i chos 'khor las byung ba 'dul ba lung / bar pa mtshan nyid med pa'i chos 'khor las byung ba sher phyogs/ mtha' ma legs par phye ba'i chos 'khor las byung ba dkon brtsegs dang phal chen/ 'khor lo gsum po ci rigs par gtogs pa sde tshan phyogs gcig bsgrigs pa mdo mang / theg pa thams cad kyi yang rtser son pa rgyud 'bum dang lnga/ dang po ni/ chos mngon pa la dgra lan gsum byung zer ba'i lo rgyus dang mtshungs pa lung zhu ba'i 'grel par bram ze'i rgyal po rgyal shes kyis mchod rten bshig /dge 'dun gyi kun dga' ra ba dag me la bsregs/ dge slong mang du bsad/ glegs bam rnams kyang zhugs kyi phung por sbyangs pas bstan pa la 'phel 'grib byung bar brten/ dge slong rnams kyis yul gzhan dag nas 'dul ba'i sde snod kyi glegs bam mang du bsdus kyang gzhung bla ma'i glegs bam ma rnyed pas nam zhig na kha che'i yul gyi dge slong zhig gi blo nas 'don pa thos te rtsad bcad pas dge slong des cung zad gcig ni dran cung zad gcig ni mi dran no zhes smras pa na dran bzhin du 'don du bcug nas dge slong rnams kyis gzhung bla ma yi ger bkod/ slar rnam par dpyad par bya'o snyam pa'i ngang nas g.yeng bas lus pa yul mang por 'phel zhing / de la ma tshang ba dang ma dag pa byung bas bram