[A:429]gnyan lo tsA ba chen po dar ma grags kyis gdan drangs pa srung ma brgya rtsa tsam gyi nang nas gtso bor bzung ba/ bstan pa'i bdag po sa skya pa la bka' babs pa gnyan cha che bas bka' ches dam par mdzad/ khyad par sbas pa'i mgon po la rigs mang du yod pa'i nang nas/ sbas pa'i mgon po'am/ dam tshig gi mgon po yin pas zhal bzhi yongs rdzogs kyi sku bris 'bur mi bzhengs/ re gnyis byung ba dag kyang ye mi ston pa sogs dam tshig che phra kun la gces par mdzad pa smin grol gdams pa'i gnad mtha' dag ma nyams pa snyan brgyud mkha' 'gro'i kha rlangs thul le ba thos bsam gyis gtan la 'bebs par snyan brgyud dang po byin rlabs rjes gnang / gnyis pa gdams pa dngos gzhi/ gsum pa bla ma dang mkha' 'gro chos skyong longs spyod kyis mnyes par bya ba la brten nas/ snyan brgyud bzhi pa'i rten 'brel shugs la 'grig pa sogs khungs btsun gyi yig bca' mang po las 'byung ba'o/ /de yang dpal gsang ba 'dus pa'i rtsa rgyud le'u bcu bdun pa las/ drag po mi sdug khros pa ni/ /utpal sngon po'i kha dog 'dra/ /phyag bzhi pa ni cho ga yi/ /phyag ni thod pa bsnams par sgom/ /zhes dngos su bstan cing / dpal mgon klu sgrub zhabs/ ta thA ga ta rakShi ta/ paNDi ta 'bum phrag gsum pa/ ri sul gyi rnal 'byor ma ku sa li chen mo sogs paN grub du ma'i chos skyong gi gtso bo mdzad cing / bod yul 'dir gnyan mgon zhal bzhi pa zhes nyi zla ltar grags shing dpal sa skya pa'i bstan srung gnyis pa 'di'i rjes gnang thob tshul le'u drug par gsal/ lung cha shas tsam thob pa'i chos kyi rnam grangs la/ mgor/ rgya gar skad du/ shrI mahA kA la sA dha nan nA ma/ nas/ paNDi ta 'bum phrag gsum pa dang / lotstsha ba gnyan dge slong dar ma grags kyis bsgyur ba'o/ /mtha' can/ mgor/ bla ma dam