[A:123] de nas lung gi rim pa thob pa la/ lam skor nang ma la/ rtsa ba rdo rje'i tshig rkang lung dang / de'i bsdus don
shog logs tsam
gcig kyang zhus/ lam 'bras glegs bam gud du gsungs pa rnams dang bcas yongs rdzogs thob cing / de yang zhib tu bshad na/ sdom tshig gi sgo nas mdor bstan pa dang / de don rgyas par bshad pa gnyis las/ dang po ni/ dkar chag rnam 'grel gsal byed nyer gsum dang / /'phros don bcu bdun 'bring dang bsdus pa dang / /gzhung shing bzhi dang rtogs pa bskyed pa lnga/ /dpe chung lnga dang bla ma'i rnal 'byor dang / /lung sbyor gsum dang brgyud pa'i lo rgyus gnyis/ /yi ge phra mo lnga bcu rtsa gnyis te/ /bco lnga lhag pa'i brgya phrag gcig bltas nas/ /rnam par phye bas man ngag shes par 'gyur/ /zhes so/ /gnyis pa de don rgyas par bshad pa la/ yig cha lhag chad spang ba'i phyir dkar chag bstan pa dang / des bstan pa'i yig cha'i rnam grangs bshad pa gnyis/ dang po ni glegs bam dkar chag ste/ rje pa'i'o/ /
gnyis pa la| rtsa ba'i gzhung gi rnam 'grel ngos bzung ba dang / de'i don gsal bar byed pa'i yig cha'i grangs bstan pa'o/ /dang po ni rnam 'grel gnyag ma ste sa chen gyi'o/ /gnyis pa la/ rgyas 'bring bsdus gsum bstan pa dang / zab 'bring tha gsum bstan pa dang / de dag gi rgyab rten bstan pa/ yi ge zhal 'phangs bstan pa ste bzhi las/ dang po la rgyas 'bring bsdus gsum bstan pa dngos dang / de gsum ga'i thun mong gi chos bstan pa gnyis las/ dang po la rgyas pa 'bring po bsdus pa bstan pa ste gsum/ dang po la/ gnyag ma nyid kyi steng du 'chad pa gtso che ba gsal byed nyer gsum bshad pa dang / gud du gsungs pa dang bcas pa'i 'phros don bcu bdun bshad pa gnyis/ dang po la/ 'khor 'das thun mong gsal byed bcu bdun bshad/ 'khor lo 'cham pa gsal byed