[A:126]'gog pa'i lam gnyis ni gong du gseb tshags la bstan gyis skabs 'dir yig cha logs pa med do/ /gsum pa de dag gi rgyab rten bstan pa la/ lung sbyor dang / lo rgyus gnyis/ dang po la/ lung 'di nyid dang mdor bsdus te sbyar ba/ lung mtha' dag dang mdor bsdus te sbyar ba/ lung 'di nyid dang zhib tu sbyar ba ste gsum/ dang po ni/ dbu na| spyir lam dang 'bras bu thams cad tshad ma bzhi dang ldan na yang / zhes sogs yod pa de yin no/ /gnyis pa ni/ rje btsun rin chen dam pa'i gsung gang zhig /ces sogs yod pa de yin/ gsum pa ni glegs bam khrod du mi bzhugs gud na yod gsung bas/ phra mo'i khrod kyi sa chen gyis mdzad par grags pa de dang / rtse mos mdzad par grags pa/ dbu na/ brtse chen gang gi blo gros kyis/ /zhes sogs yod pa de gnyis gang rung gcig yin par sems te/ de dag las gzhan pa'i lung sbyor lung rgyun chad pa kho bos sngan chad ma thos so/ /
zhes nyi gling rje gsung /
lung sbyor 'di gsum rje pa'i dkar chag gi don dang mthun par yod pas/ bdag gi bla ma'i dgongs pa yang 'di kho na'o/ / gnyis pa lo rgyus la/ bla ma bod kyi lo rgyus dang / rgya gar ba'i lo rgyus kyi yi ge gnyis so| |de dag las/ phyi na bzhugs pa dbang chu chen mo sogs bdun kha bskang bas/ lam 'bras glegs bam du grags pa de'i lung / da ni bzhi pa yi ge zhal 'phangs bstan pa zhes pas/ phra mo'i glegs bam ste/ spyi sdom ni/ yi ge phra mo lnga bcu rtsa gnyis te/ / zhes so/ /de'ang / bcu drug gcig lnga bco brgyad bcu gnyis ni/ /zhes pas sa chen gyi bcu drug /rtse mo'i gcig /rje pa'i lnga/ sa paNDi ta'i bco brgyad/ 'phags pa'i bcu gnyis/ de'ang / sa chen gyi la/ byin brlabs kyi yi ge /gags sel gyi yi ge /spyi 'gro'i yi ge ste gsum/ dang po la/ yab kyi byin brlabs/ yum gyi byin brlabs/