[A:92]lta ste/ brgyud pa'i bla ma rnams dang / rgyud sde bzhi'i yi dam zhi khro'i dkyil 'khor gyi lha tshogs rnams dang / rdzogs pa'i sangs rgyas rab byung gi cha lugs can rnams dang / sa chen po la gnas pa'i byang chub sems dpa' rnams dang / 'phags pa nyan rang dgra bcom pa rnams dang / chos skyong srung ma'i tshogs dang bcas pa rnams rdul phran re re'i steng na/ rdul snyed kyi grangs dang mnyam pa'i 'jig rten gyi khams rgya mtsho thams cad na 'tsho zhing gzhes la chos kyang ston par mdzad pa rnams dang / 'dzin ma'i dkyil 'khor chen po 'di yang nam mkha'i mtha' dang mnyam par byin gyis brlabs pa'i gzhi la/ rigs can gsum gyi rigs nges par sad pa'i skal ba can gdul bya rgya mtsho bsam gyis mi khyab pa/ brjod du med pa brjod du med pa'i yang brjod du med pa las bsgres pa'i grangs kyis mchod par mi nus pa rnams dang thabs gcig tu bzhugs so/ /de'i tshe 'khor 'dus pa rgya mtsho'i tshogs rnams kyis khrus phyag gos gtsang ma gyon/ lus longs spyod maNDal dang bcas pa phal chen nas gsungs pa'i kun tu bzang po'i mchod sprin lta bu phul/ snyim pa me tog gis gang ba snying gar sbyar nas/ rab tu dma' ba'i stan la 'dug /dga' dang ldan pa'i mig gis blta/ /tshig gi bdud rtsi 'thung ba bzhin/ /gus pa bskyed de chos nyan no/ /skyes rabs las 'byung ngo / /phal chen las/ dge ba'i bshes gnyen la ni sman pa'i 'du shes dang / gdams ngag la ni sman gyi 'du shes dang / nan tan la ni nad sel ba'i 'du shes kyis/ chos kyi 'khor lo bskor bar gsol ba lan gsum btab nas/ lud pa bsal ba'i sgra tsam yang med par nyan cing / legs par rab tu nyon la yid la zungs shig ces pa'i don/ snod kha sbub dang / dri ma can dang / zhabs rdol gyi dpe gsum gyis dben par 'chad nyan la brtson pa de dag