[A:93]dang don mthun par gyur pa'i skabs su bdag nyid kyang kha drag gi snyems pas slar yang stobs 'byor gyi rlabs che ru e 'gro'i re ba dang chung du song dogs pa'i rnam g.yeng rlung dmar gyis ma khyer/ kha zhan bya ba thams cad gzhan dbang du gyur pa'i sdug bsngal drag po'i khur gyis ma non/ dal 'byor gyi chos bco brgyad dang ldan/ rang dbang can du gyur/ sngon bsags kyi mthus dad pa dang / brtson 'grus dang / bag yod pa dang / bshad na go ba'i shes rab dang ldan pas/ 'phags pa shA ri'i bu'i smon lam 'grub pa dang chos mtshungs pa'i phyir dus phun sum tshogs pa 'dir/ chos phun sum tshogs pa thub gsung dri ma med pa theg pa gsum gyi dam pa'i chos thog mtha' bar gsum du dge ba nyan te/ chos thos pa la phan yon bsam gyis mi khyab pa stai/ thos pas chos rnams shes par 'gyur/ /thos pas sdig las ldog par 'gyur/ /thos pas don med spong bar 'gyur/ /thos pas mya ngan 'das pa thob/ /ces bya ba la sogs pa'i don snying la brnag pas thos pa rgya mtsho'i pha rol du son par 'dod nas/ ji ltar thos pa rnams rang gi dran pa gso ba dang / tshong pa tshong khe mthong nas tshong las la 'jug pa ltar/ phyis nas kyang rang nyid spro ba 'phel zhing bskul ma 'byung ba'i phyir du yi ger dgod par bya'o/ /ji ltar bri ba'i tshul yang / rdo rje 'chang tshul khrims bkra shis dpal bzang po'i gsan yig bsregs bcad brdar ba gser gyi 'bum chung las/ phyi nas brgyud la nang brgyud 'ded pa dang / /nges brgyud dor nas ma nges rgyun 'dren dang / /ma thob pa'ang thob khul gleng ba dang / /the tshom can la thag chod byed pa ste/ /skyon bzhi'i brdzun gyi dug chu 'dir spangs nas/ /phal cher gong ma'i gsan yig lugs bzhin bri| |zhes pa grub mtha' gzhan nas byung ba'i chos rgyun gyi brgyud pa dor nas rang ltos