[A:174]re'u mig dgu/ de'i phyi rol du snam bu zlum pos bskor ba/ de'i phyi rol gru bzhi sgo bzhi sogs gsungs ngor dang sgyi chu dang rgyud dang mthun/ la li ta badzra gyis mdzad pa'i ro langs brgyad bskor chung ba las/ gru bzhi pa la sgo bzhi pa/ /rta babs bzhi yis rnam par mdzes nas/ de bzhin zla ba phyed pas so/ /de yi dbus su 'khor lo ni/ /re'u mig dgu pa zlum po'o/ /zhes dang / 'phags pa rin po che'i dkyil chog tu thod pa skam po'i ra ba zlum po zhes gsungs so/ /rmongs pa'i brgyud pa dag /gzhal yas khang gru bzhi pa'i nang du gzhal yas khang zlum po 'dod snam la keng rus kyi lha mo/ rgyu ma'i dra ba sogs byed pa ni bsod nams dman pa'o// //
(nga)
! rnal 'byor gyi rgyud la thabs gtso bor ston pa dang / shes rab gtso bor ston pa'i rgyud gnyis kyi dang po la rtsa ba'i rgyud/ bshad pa'i rgyud/ 'phros pa'am cha mthun gyi rgyud gsum gyi dang po la dkyil 'khor nyis brgya bcu gsum gsungs pa las/ rdo rje dbyings rtsa ba'i lha so bdun/ bskal bzang sems dpa' dgu brgya dang dgu bcu rtsa drug bcas pa'i rdul tshon gyi dkyil 'khor du bla ma dam pa bsod nams rgyal mtshan gyi ngag 'don la kun mkhyen bu'i dkyil chog rin chen bsam 'phel nas kha bskang nas/ rdo rje slob dpon gyi dbang nas bzung rdzogs par thob pa'i brgyud pa yo ga smad lugs ni/ yang dag par rdzogs pa'i sangs rgyas/ phyag na rdo rje/ rA dza rab gsal zla ba| sgra gcan 'dzin/ dpa' bo ta pha la/ ye shes rdo rje/ pradznyA siddhi dang bzhi la kun