[A:302]zhing nyams su blangs pa las grub pa brnyes shing rig pa 'dzin pa'i sa la bzhugs so//
de'i tshe slob dpon des lung bstan par mdzad pa ni/ ji skad du/ dgongs 'dus las
rin chen mchog khyod tshe rabs legs smon mthus//
ding sang 'di tshul ma 'ongs snyigs ma sogs//
rgyud nas brgyud mar snying rjes lus len pa//
rgyal ba'i lus can gangs can 'gro ba rnams//
rnam pa du mas skyong zhing 'byung ba yang//
dus tshigs drug cu khar la bab pa'i tshe//
rong ston chos kyi 'byung gnas zhes byar grags//
'gro ba'i don mdzad rgyal ba'i bstan pa 'dzin//
gtsug lag rten gso dgongs pa mkha' ltar khyab//
rmad du byung ba'i bshes gnyen dam pa'o//
zhes gsungs so//
de'i 'phros gong ma der/ lo tstsha ba chen po bai ro tsA na sa skya paNDi tar lung bstan no//
don 'di nyid la yid ches pa'i rgyu mtshan gzhan yang du ma mthong ste/ kho bo cag gi rje btsun dam pa 'di ni slob dpon des mdzad pa'i bstan bcos gsang ba snying po la ches shin tu thugs ches par mdzad/ slob dpon de'i mkhan po zhi ba mtsho'i zhabs la thugs legs par dad/ slob dpon des phrin las bskyangs pa'i gtsug lag khang dang dgon pa'i sa phyogs de nyid du/ smon lam gyi dbang gis dge 'dun gyi sde chen po btsugsgtsugs nas phrin las skyong bar mdzad do//
1.1.2
grub chen gzhan gyis lung bstan pa'i tshul/
gnyis pa ni/ rtsod pa thams cad dang bral ba'i mkhas pa chen po kA ma la shi la mtshan nyi ma ltar grags pa de/ lha khri srong lde btsan gyis bod yul du spyan drangs/ lta ba ngan pa sun phyung/ dbu ma'i bstan bcos