[A:367]slob dpon kA ma la ra tri ta zhes bya ba gnyis kyi drung du/ rab tu byung ba mdzad pa'i mtshan ni/ kA ma la shi la zhes btags so//
de nas rims gyis rig pa'i gnas lnga la mkhas pa'i paNDi ta chen por gyur te/ 'phags yul du bstan pa la bya ba mang du mdzad/ bsam yas kyi rgyal po'i dus su bod du byon/ rgya nag mkhan po'i chos lugs sun phyung/ phar phyin theg pa'i bstan bcos mang du brtsams/ dus der slob dpon des gsang sngags kyi chos ma bstan/ de dang dus mtshungs pa rma A tsarya rin chen mchog ces bya ba/ slob dpon de dang lta ba dang sgom pa'i gnad gcig par smra zhing/ sngags kyi lam la brten nas gdul bya gzhan mang po smin par mdzad cing/ gsang sngags kyi bstan bcos mang du mdzad pa zhig yod pa de yang slob dpon 'di dang rgyud cig par nges shing/ bsam yas su mya ngan las 'das pa'i tshul bstan par grags kyang/ mtshan nyid pa ma yin te/ dper na rje btsun dam pa sangs rgyas ding rirring mya ngan las 'das pa'i tshul bstan kyang/ sku lus de nyid spangs pa ma yin par de nyid kyi rnam par thar pa las 'byung ba bzhin no//
2.2.2
grub pa'i sa brnyes pa'i tshul/
gnyis pa grub pa'i sa brnyes pa'i tshul ni/ bram ze chen po sa ra ha dang/ 'phags pa klu sgrub dang/ rgyal po intra bhu ti dang/ Arya de ba gnyis dang/ slob dpon padma 'byung gnas dang/ mthu stobs kyi dbang phyug bIrwa pa la sogs pa grub chen gyi bla ma lnga bcu rtsa lnga tsam la brten nas dbang dang gdams pa mang du gsan/ rig pa 'dzin pa'i sa brnyes/ sa bcu pa'i ye shes mngon du byas pa yin te/ dam pa kun dgas/ rje btsun la yon tan ci mnga'