[A:140]dang bcu gnyis/ dris lan la yang len du spel ba bzhi bdag gi mig gis mthong ste/ tshig zur ma nyams par yid la gnas so//
der glo bo nas chos rgyal bkra shis mgon pas thog mar rin po che'i khu bas gser rkyang du tshar gsum bris shing/ slar par du rko ba'i sbyin gnas kyang gnang ngo//
phyis stag lung ngag dbang grags pa'i gzigs lam du gser thur phebs skabs/ drung chen po ba'i sdom gsum gyi dri ba de legs snang yang/ dris lanlen de ma legs snang zhes sa bkar gyi chags sdang gi bka' stsal byon zhes kyang grags so//
'jam dbyangs mi gzugs 'jam pa'i dbyangs gang gis//
skye nas skye ba nyi shu rtsa lnga'i bar//
rjes bzung rjes dpag tshad ma'i blo gros can//
sa 'dzin skya ba'i sa skya paN chen rgyal//
rgyal ba'i bstan pa las log tshig dang don//
don bzhin gsung rab dpang bzhag mkhas pa'i 'phrul//
'phrul chen chos kyi sgo mo brgyad khri dag//
dag pa'i thugs su shar ba'i dpyod ldan su//
rang gzhan spyi dang bye brag ma 'dres par//
tshig don sil bur phye nas ston pa'i ngag//
sdebs legs don bzang legs bshad dpe bral ba'i//
bstan bcos rab dbyer btags la phyag bgyi'o//
dngos bstan gsal dang dngul dkar me long gzugs//
mthong bas yid 'dren yongs kyi yid 'jo ba//
sbas bshad gting zab rgya mtsho'i nor bu lta'i//
dgongs don dbyings de sngon chad su yis shes//
smros shig smra 'dod lce bde 'khyog po can//
skad gnyis bsdebs ltar rang mtshan sil bu las//
dbu zhabs 'ga' med gnad 'doms snying po'i tshig//
gzung bde 'chad shes sngon dang da lta su//
dpyod ldan gzu bo'i spyan sngar tshur spyon dang//
yon tan rgyan phreng lta ba'i mig mchis na//
bka'