[A:148]mthong mdun gnas ma mthong gad mo'i gnas//
gong du gang smras soms shig mkhas 'dod rnams//
dbu zhabs chol bsgrigs 'dir mtshon ma dmigs pa'i//
srang mda'i ngag tshig bsgrigs pa'i bstan bcos las//
bzlog ste rgyal ba'i dgongs 'grel ji lta'i gzhung//
yi ger bkod la ding sang su yid ches//
snyigs ma'i dus kyi 'gyur bas thugs phyung nas//
bstan 'dzin dam pa'i tshogs kyang zhing gzhan gshegs//
lhag par byams mgon gnyis pa a mo gha//
rang gnas dga' ldan pho brang gang der bzhud//
dam pa'i rjes su skyes bu dam pa'i srol//
chos kyi rjes 'brang chos las skyes pa'i sras//
'gran bral gang gis 'gran pa'i srol med pa'i//
dgongs pa'i dbyings bzhin dgongs pa yongs su bkang//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ byams mgon don yod dpal ba dbyings dga' ldan dam par gshegs pa'i skabs las bsgrags pa'i rab tu byed pa bco brgyad pa'o// //
Chapter 19: byams pa'i sku'i snang brnyan rjes su bsgrubs pa'i skabs
der dpyid sos kyang de la chos dbar sogs ma bteg par/ dgongs pa'i mthil de 'dis rang rdzogs pa yod gsungs nas de lo'i dpyid chos de lhag par 'chad nyan 'phel ba'i khur len gnang rjes/ shing pho 'brug gi lo vc: 1484dpyid mtshams ring mo la dpon slob lnga brgya tsam gzhu'i byang lam la mdzad phebs/ de dus rje dus zhabs pa zhing brjes tshar ba'i nang rten sogs la snyan dar sbron pa sogs gnang zhing/ ru dgon sar gyi mkhan po la sku zhang kun dga' snying po bzhugs pa sna dkar rtser gdan 'dren byas/ gzhi la mi bzhugs pas/ phyis paN chen rin po che dang ma mjal gsung nas thugs khral lhag par che ba gnang zhes par mkhan chos legs pa'i ngag las