R991: paNDi ta chen po shAkya mchog ldan gyi rnam par thar pa zhib mo rnam par 'byed pa/ {bod yig glog rdul dpe cha/}

  • Pagination (Witness A): 49
[A:49]der rang la paN chen gyi gdags pa thog ma de nas byung gsung zhing/ slar nA lendrar rong ston chen po'i zhabs drung du phyag stob pa sogs mdzad/ de dus yum la gnang ba'i 'pho ba'i lung de thob cing/ der gsang phu'i dgun chos la phyin pas/ mtshur phu 'jam dbyangs gu shrI ba'i gshegs rdzong gi mang skol ba sleb byung bas sngar rang re la gnang ba'i phyag dam de bstan pas/ der 'dus kun gyis mngon mkhyen yod par go ba byung zhes drung chen sangs rgyas seng ge ba las brgyud pa'i gsung sgros las so// dgun chos grol rjes gsang phu brag nag pa rin chen rgyal mtshan par grags pa/ brag nag pa chos rje ngag gi dbang phyug pa'i phyag tshar ngor chen kun dga' bzang po ba dbus gong mas gdan drangs dus/ thog mar phyag len gyi dpang por byon pa la phyis dad pa thob nas yo ga'i dbang mang du nos/ lam 'bras kyang gsan/ 'chag med kyi rgyun yang ma chag par gnang ba de'i drung du byon/ dpal mchog rtse mo/ khams gsum rnam rgyal rnams kyi dbang dang/ khyad par dpal ldan bla ma'i phyag bzhes ltar gyi rdor dbyings kyi bris thig gar dbyangs sogs la nyin mtshan gor ma chag par sbyangs/ de dus sum pa lo tsa ba'i bong stor mar grags pa'i dbyangs kyi oM zhes pa'i ngang la brag nag gi gtsug lag khang la skor ba lan re thongs pa byung zhing/ de'i phyi lo lo chen bsod nams rgya mtsho'i sdes kyang brag nag tu yo ga'i phyag len bzhes pa la phebs/ dbyangs skabs lo chen drung gis mgur la gsal ngom gnang bas/ brag nag pa rin chen rgyal mtshan pa'i gsung gis/ drung nas kyi mgur dbyangs sna 'dren pa'i bzhun po ni yin/ gzhan na ning gnas sgo slob dpon pa'i char yang mi bsgrun gsung zhing/ rje lo chen bsod