[A:69]manydzu ba la/ rang gi 'dod kyi grol dkar tshe bsgrub de zhus pas/ kho na re/ paNDi ta ngag gi dbang phyug dang dus kyang mi mtshungs/ dngos su gsan pa'i rgyu med/ sngar mi ma tshor zhus pas chog zer zhus byung bas/ zhal 'dzum mdzad nged rang la bod du 'di dgos zer ba kho gcig pu las ma byung na'ang/ bar du lo tsa ni byed du mi btub/ khos ni nga'i skad mi go'am gsung phebs pa'i bka' lung byung bas/ der nged kyis kha rtsang gnang ba'i rgya skad rnams legs par go//
saM skRa ta'i skad cung zad shes zhus pas/ paN chen nags rin dges nas drung du bos/ rgya gar gyi skad du 'dri mal gnang ba'i lan 'debs rim par phul bas/ sad ta sad ta gsung zhing/ der gser zho gsum po phul nas tshe bsgrub khyad par can de yang zhus/ dges pa'i sgo nas stsal zhing/ phyag dpe ka lA pa'i sgra mdo'i po ti zhig kyang gnang ba yang da lta'i bar yang lag na yod do//
phyis gos sku g.yed can 'grub pa dang/ tshe la bar chad med pa paNDi ta de la bkra shis kha thags phul ba dang/ tshe bsgrub ngo mtshar can thob pa'i rten 'brel du 'dug gsung zhes legs par rtogs so// 'di thad zur tsam rnam thar rdor rgyal ma na bris snang ngo//
mkhyen yang blo gros rab rgyas sprin gyi rnga//
snyan par bsgrags pas rma bya gzhon nu'i yid//
dga' ba'i mdongs mtha' rgyas pa ngoms byed cing//
yi rangs gar gyi zlas gar ci yang bsgyur//
dpyod ldan yongs kyi tshad ma'i dpang gyur te//
'jigs med smra ba'i dbang por mtshan gsol ba//
gang la rtsad cing dris pa'i don 'di rnams//
yid la re ba'i 'bras stsol a shwa tha//
tshul gnas mang thos zhi dul bag yod tshul//
mthong bas rab mgu gus pa'i spu long dag//
'bad med g.yo ba'i rang bzhin las 'ongs pa'i//
zang zing yon gyi sbyin gnas mchog tu bkur//
dkon nor dpag yas 'dus pa'i dge 'dun la//
dang ba'i shugs kyis bstabs nas dge tshogs dag//
mtha' yas 'gro la sbyin mdzad