[A:71]dge bshes/ phyis dkar brgyud du phyogs pa sha ra rab 'byams pa sang rgyas seng ge bas zhu ba'i gtso byas nas/ 'bri stag/ 'brug pa stod smad/ karma zhwa dmar nag gnyis ka'i brgyud pa tshang ba'i nA ro chos drug dang/ phyag rgya chen po spyan snga bsod nams rgyal mtshan pas mdzad pa'i khrid yig ma rig mun sel du grags pa de'i steng nas lhan cig skyes sbyor/ yang dgon pa'i ri chos skor gsum gyi lung sogs dang/ yang de grol rjes rang chos rje sher 'byung blo gros sbas pa zhes bya (ba)?zhu ba'i ri bo dge ldan pa'i grub thob chen po rang du grags pa des zhus nas/ nai gu'i khrid tshar gcig kyang thob cing/ snga phyir ne gu lan bzhi zhus zhes paN chen rin po che nyid kyi slob ma mnga' ris su byon pa'i bsgrub pa'i brgyud 'dzin gcig pu ba/ khog lung rab 'byams pa nam mkha' rab gsal ba'i zhal nas brgyud pa'i gsung sgros so//
der spyang lung rin po che'i drung du bka' chos gsan rjes/ glang thang spyan snga kun rdor ba sku mched kyis spyan 'dren rkang btsugs byung nas/ glang ri 'od ldan du phebs pas bka' lung la gtsang phyogs nas mgron po yong ba'i skad cha la/ chos rje rdo rje 'chang chen po mnga' ris glo bo 'khor nas ngor tshor phebs yod 'dug pas sngon zhal bzhes bzang po yod pa'i don la rkang gtad gtsang phyogs la 'byon par rigs gsung/ der rje rdo rje 'chang chen po'i drung du zhu yig/ rten gos bem lu haM ri mo me tog zlum 'dzings ma cig dang/ gnang sbyin chos zhu ba'i chas la phan pa'i ja gos dar dpag med stsal nas/ dgun grang ba'i sgang rang yin na'ang blos longs pa byas/ tshal pa rin rgyal ba dang khra phu ba sangs rgyas bzang pos gtso mdzad pa'i grwa pa slob gnyer ba mthar phyin lung rigs brda sbyangs pa rang drag bsdus dang bcas gtsang phyogs su phebs