[A:80]la bzhag/ phyis gser mdog can thebs rjes/ gsang 'dus rnam bshad rnam par thar pa'i sgo brgya pa'i thugs rtsom dang/ par yang bsgrubs pas/ ngor gyi rdo rje 'chang gi gzims mal sku 'dra'i drung du 'bul mi gnang/ de dus ngor gdan sar chos rje 'dren mchog bzhugs pa'i dus yin pas/ dpe'i phyi 'dril kha thags dkar po dri ma med pa zhig la phyag rtags 'byar ba de'i rgya yang ma nyams par chos rje rin po che nyid kyi phyag gis rje rdo rje 'chang chen po'i sku 'dra'i phyag chos 'chad gnang ba'i bar du phul nas/ bdag lo bcu gsum pa la ngor du phyin dus kyang mig gis rig cing/ chos rje lha mchog pa'i sku ring la yang de kar yod kyang/ ding sang ni dgag sgrub byed pa'i dpe lta la song zer gar yang ma dmigs lags so//
de rjes rdo rje 'chang gi bka' lung la/ chos bdag po'i dper 'dug cing/ rang re'i mig gis mi chod par 'dug pas/ bdag po chu mig pa'i drung du sa skya bka' 'bum gyi lung zhu dang/ chos skyong gi skor rnams zhus mdzod/ rang res dngos kyi bkri thabs bgyid gsung nas/ de'i lo'i dbyar smad chu mig tu sa skya pa chen po'i bka' 'bum dang/ chos skyong lcam dral gyi rjes gnang sgrub skor rdzogs par byung rjes ston chag la yang ngor du phyin/ bsnyen rdzogs pa mang po'i las slob dgyis gsung ba bzhin bsgrubs/ bka' chos slar yang rtsa dbu ma'i khrid cig byung zhing/ gzhan yang lam zab phyi nang dang byas pa'i 'dod chos 'ga' re thob/ der zhabs la phyag bgyis/ rang re mtshan nyid pa skam po mig tu sgog skya bcug na min pa mchi ma mi 'chor rigs yin kyang/ bla ma de'i mkhas btsun bzang gsum gyi yon tan khyad par can la dang ba'i dad pa snying khong nas skyes pa'i mthus mig chu 'dzag pa'i rgyun mi chod bzhin du 'ongs zhes paN chen dngos las rje btsun