[A:460]spyir 'phags yul du bstan bcos kyi tshogs snga shos ni rig byed kyi bstan bcos dag ste/ de nang nas sgra dang gso ba rig pa dang/ snyan dngags dang sdeb sbyor la sogs pa ni phyi nang gnyis ka'i tha snyad byed pa rnams kyis tshad mar khas len pas/ nang pa'i bstan bcos mdzad pa dag gis kyang sangs rgyas kyi bka'i dgongs pa 'grel pa'i yan lag tu mdzad pa shin tu mang ngo//
bstan pa 'di nyid kyi dbang du byas na mngon pa sde bdun du grags pa ni bstan bcos kyi srol snga shos yin par 'chad la/ theg pa chen po'i tshig gi bstan bcos kyi thog ma ni/ mgon po klu sgrub zhabs kyis 'khor lo gsum ka'i?gsum bka'i dgongs 'grel gyi bstan bcos so sor mdzad pa rnams dang/ thogs med zhabs kyis 'khor lo gsum pa gtso bor gyur pa'i dgongs 'grel mdzad pa rnams yin la/ rtsod pa dang bral ba'i bstan bcos mdzad pa po rnams la ni 'dzam gling gi rgyan zhes grags shing/ de la sogs pa mkhas pa chen po shan ti pa dang/ 'jigs med 'byung gnas yan chad rtsod pa dang bral ba'i bstan bcos skar ma'i tshogs tsam gyis bstan pa rin po che dar zhing rgyas pa dang mi nub par mdzad do//
de lta na thog mar ston pa nyid kyis gsungs pa dang/ sdu ba pos bsdus pa dang/ bstan bcos mkhan po rnams kyis brtsams pa ste thub pa'i chos kyi 'khor lo bskor ba'i rim pa 'phags yul du byon pa ni mdor bsdus na gsum po de tsam mo//
de ltar 'phags pa'i yul sde snod gsum gyi bstan pa lo stong phrag gnyis sam gsum la khad nye ba tsam du gnas zin pa de'i tshe/ 'phags pa spyan ras gzigs dbang phyug bod kha ba can gyi ljongs su bsam bzhin skye ba bzhes nas/ shAkya mu ne'i sku ston pa