[A:380]na maH gu ra we/
dpal ldan bla ma dam pa ku ma ra ma ti'i zhal snga nas kyi rnam par thar pa mdo tsam du bya ba/ ngo mtshar bkod pa'i sprin gyi rnga sgra zhes bya ba/
dus gsum sangs rgyas thams cad kyi ngo bo bla ma dam pa'i zhabs la gus pas phyag 'tshal lo//
gang la nyes pa'i rdul tsam ma mchis shing//
rmad byung yon tan brgya yi mthar son kyang//
lus can rnams la rang dang 'tsham pa'i skur//
ston mdzad bla ma'i zhabs kyi pad mor 'dud//
'jam dpal gzhon nu'i gser gyi mngal bzung bas//
dri med legs par sbyangs pa'i blo gros can//
phyi nang chos kyi de nyid ston mkhas pa//
mtshungs med dam pa'i yon tan ji snyed kun//
mi zad tshig gi mchog sbyin grub pa yis//
bskal brgyar brjod kyang pha mtha' dpog ma nus//
'on kyang tha mal 'gro la thun mong du//
snang tshul mdo tsam brjod kyis gus pas nyon// //
de yang 'di ltar/
khyod kyis nges par sgrib pa gnyis//
bag chags bcas pa