[A:52]longs spyod pa'i sems can la snying brtse bar grub bo//
de skad du yang/
bkren la brtse dang ma rungs pa la brtse//
kun 'khrugs la brtse bag med rnams la brtse//
yul gyi gzhan dbang can la snying brtse dang//
log par mngon zhen can la snying brtse'o//
zhes gsungs pa ltar ro//
chos kyis phongs pa la snying brtse bas nam yang dam pa'i chos 'chad pa mi 'dor ba dang/ ma rungs pa la brtse bas mi dge ba bcu spong pa'i tshul khrims yang dag par bsrung ba dang/ de yang zang zing nor la ser sna dang/ chos la dpe ma mkhyudkhyud dang/ gzhan la gnod pa'i bsam pa dang/ des kun nas bslangs pa'i bgyi ba ni skad cig kyang mi mnga'o//
gnod byed la brtse bas gnod lan gyi bgyi ba sna gcig kyang mi mnga' zhing/ stong nyid ma rtogs pa la snying brtse ba'i rgyu mtshan gyis zab mo'i chos 'chad pa dang/ rang gi sgo gsum gyi bgyi ba le lor mi 'jog pa'i rgyu mtshan gyis bag med pa rnams la snying brtse ba dang/ rnam g.yeng can la snying brtse ba ni/ rtag tu bsam gtan la spro ba yin te/ de yang sngon gzhon nu'i dus nyid nas dben pa la dgyes shing/ phyis 'chad nyan gyi tshe yang gzhan gyis ma tshor bar dben pa'i gnas su mnyam par 'jog pa dang/ nyan bshad 'di rje bla ma'i gsung mchogs pa tsam ma gtogs/ bu le'i gangs la sgom cig rang zhes rtag tu gsung ba dang/ nyan bshad kyi tshe yang mtshan mo bzhugs gdan la blo 'bebs pa dang/ dbu sngas la 'jog pa mi mdzad cing/ lus gnad la dbab pa dang/ de'i thabs su pus 'khyud dang/ ma bral ba'i sgo nas sngon nyams su myong ba'i mtshon byed dpe'i ye shes kyi rgyun skyong bar mdzad do//
de la brten nas thun mongs gi yon tan/ lba ba sbubs su 'dren nus pa dang/ dbu'i gtsug gtor ltar mi mngon pa dang bcas zhes yun ring du brten pa'i slob ma kun la grags so//
gzhan yang/ yon tan thams cad kyi rtsa ba lam zab mo bla ma'i mos gus