[A:412]rnal 'byor rgyud dang 'brel pa'i dbang bskur rnam grangs kha gcig gsan pa sogs mdzad nas/ yang 'od gsal rtse mo'i dben gnas su sku mtshams dam po zla ba bco brgyad du bsdams nas/ sgrub pa rtse gcig pa la gzhol ba mdzad/ de skabs nas slob ma'i tshogs ci rigs pa la dbang dang/ mngon dkyil gyi mdzub khrid dang/ rgyud 'bum la sogs pa'i lung mang rab mdzad cing/ gtso bor ni bde dgyes dang 'brel ba'i thun bzhi'i rnal 'byor/ chos spyod rab gsal nas 'byung ba'i rim pa rnams la/ rang gi khu bo gong ma dag gi phyag bzhes ji lta ba bzhin mi g.yel bar mdzad do//
de nas rang lo so gnyis pa phag lo'i vc: 1455hor zla dang po la/ phyag phyi ba gzhung ma la rgyus med du khams pa'i dge bshes bzhi tsam phyag phyir khrid nas shul bde bar e waM du phebs/ gsung ngag rin po che rgyas pa/ sngon ma gsan pa'i cha lag phran dang/ gzhan yang zab mo'i chos mang dag dang/ sgro 'dogs gcod rgyu 'ga' zhig zhus lan gyi tshul du gtan la phab pa yin gsungs/ phag lo'i hor zla bdun pa de spyan snga blo grosbloos rgyal mtshan pa e waM du phebs pa de byung/ lo rting ma byi lo vc: 1456hor zla bzhi pa la rje rdo rje 'chang 'og min du gshegs/ chos rje mus pa gdan sar phebs pa la chos 'brel mdzad nas gsung chos thog tsam gsan phyir glang thang du gzims spyil du phebs nas/ thugs dam gyi rim pa las ma g.yos bzhin du/ slob ma'i tshogs la nyan bshad kyi rim pa mang du mdzad/ de nas rang lo sum cu so bdun pa la sku mched gnyis ka/ dpon slob mang po dag dang bcas te/ sems dpa' chen po dkon mchog rgyal mtshan pa'i rnam par thar pas thugs rab tu phrogs shing/ mngon par dad nas mus bde ba can du phebs/ sngon gsan pa dang thugs nyams su bzhes pa'i chos rnams la nan chags dang/ phyag tu blang ba'i