[A:419]mdzad pa la/ rang re chos rgya cher 'chad pa da res yan chod tsam yin/ rje btsun sa skya pa'i bstan pa ni e waM dang 'di gnyis su dar ba dang gnas pa 'di cis kyang gal che bas/ mtshan nyid theg pa'i rnam gzhag rje thams cad mkhyen pa'i gsung 'gros bzhin du/ gzhan phyogs kyi grub mtha' dang ma bsres pa'i 'chad nyan mdzad dgos/ spyir sngags dang/ khyad par gsung ngag rin po che/ rje rdo rje 'chang gi gsung bgros bzhin du bshad nyan mdzad na/ bstan pa spyi sgos la phan zhing/ byin rlabs che zhes gsung pa mdzad nas/ dgun stod brag dkar mo'i gnas nyi ma dro zhing chu 'jam par dgongs pa la/ grog mkhar bas spyan drangs/ gtso bor ni gal che ba re re tsam ma gtogs sku mtshams dam por bsdams hor zla ba bcu gnyis pa de'i yar ngo la sku khams cung zhig snyel nas zhag gsum song ba la/ rkong po 'tsho byed pas phyag phyi byas steng thog tu byon/ phyogs bcur gzigs pa na/ nam mkha' la sprin dang/ du ba dang/ nyi zla dang glog la sogs pa mang por snang ba 'di/ lam gyi rtags yin nam/ nam mkha' rang la yod pa yin nam gsung/ lam rtags de ci las 'ong ba yin/ zhus pas/ rlung sems dbu mar tshud pa las 'byung gsung/ de'i rjes la ci yong zhus pas/ mi 'gyur ba'i bde ba 'byung gsung/ gzims mal du phebs nas dbon po rgyal don gyis na bza' zhus pa'i tshe/ bla ma so so'i na bza' rnying pa byin rlabs kyi rten du gnang ba rnams/ so sor ngos bzung nas de bsod nams 'phel ba'i na bza' yin pas thog mar sgron cig/ ces spyan snga rin po che'i na bza' rnying pa dang/ de byams dang snying rje 'phel ba'i na bza' yin pas sgron cig ces rje mus pa'i na bza' dang/ de ni mchog tu mi 'gyur pa'i